ASTANALYQTAR QOLUShYN SOZDY

Keshe gýmanıtarlyq júk tıelgen avtokerýen Astanadan Almaty oblysy, Aqsý aýdany, Qyzylaǵash aýylyna jol tartty. Osy kúni sý tasqynynan zardap shekken óńirge attaný úshin “Nur Otan” HDP qalalyq fılıaly tóraǵasynyń birinshi orynbasary Ámirhan Rahymjanov pen Astana qalasy Kásipkerlik jáne ónerkásip basqarmasy bastyǵynyń orynbasary Baqytjan Seıitov jolǵa shyqty. Jalpy, avtokerýenge barlyǵy 50 tonnaǵa jýyq tutyný taýarlary jınaldy. Onyń ishinde 2500 kg. un, 1786 kg. makaron, 1450 kg. qant, 675 kg. kúrish, 881 lıtr ósimdik maıy, 10840 banki túrli konservler, 700 lıtr pakettegi sút, sondaı-aq 200 adamǵa eseptelgen kıim-keshek, kórpeler, matrastar, balalar oıynshyqtary, as úı jabdyqtary, jeke gıgıenalyq zattar bar. Azyq-túlik kólemi 1000 adamǵa bir aıǵa jetetin bolady. Gýmanıtarlyq kómektiń jalpy quny 30 mln. teńgeni qurady. Osy kúni Astana ákimdigi Úki­met basshysynyń tapsyrmasy boı­ynsha Almaty oblysyna kómekke 50 mln. teńge  aýdardy. Buǵan deıin Astana ákimi apparatynyń qyz­met­kerleri, qalalyq basqarmalar, aýdan ákimdikteri, elorda ákimdigine baǵynysty birqatar kásiporyn mamandary, “Nur Otan” HDP as­tanalyq fılıalynyń qyz­met­kerleri jáne qalanyń ondaǵan eńbek ujym­dary arnaıy ashylǵan qaıy­rymdylyq shotyna bir kúndik jalaqylaryn aýdarǵan bolatyn. Dastan KENJALIN.