2020 jyldyń aqpany men mamyry aralyǵynda bokstan tórt aımaqtyq irikteý týrnıri men álem chempıonaty ótedi. Atalǵan týrnırler arqyly boksshylar Tokıo Olımpıadasynyń joldamasyna talaspaq.
Bokstan Azııa, Tynyq muhıt aımaǵy úshin Olımpııa oıyndaryna irikteý týrnıri 2020 jyldyń 3-14 aqpan aralyǵynda Qytaıdyń Ýhan qalasynda ótedi. Sonymen qatar Afrıka qurlyǵynyń boksshylary 20-29 aqpanda Senegal astanasy Dakarda synǵa tússe, eýropalyq boksshylar 13-23 naýryzda Ulybrıtanııanyń bas shahary Londonda Olımpıada joldamasy úshin judyryqtasady.
Amerıka qurlyǵyndaǵylar 26 naýryz – 3 sáýir aralyǵynda Býenos-Aıreste (Argentına) Olımpıada joldamasyn sarapqa salady. Al bokstan álem chempıonaty 13-24 mamyr aralyǵynda Parıj (Fransııa) qalasynda ótedi.
