Osyǵan oraı, óskeleń urpaqtyń boıynda sybaılas jemqorlyqqa nóldik tózbeýshilik, adaldyq, ádildik, parasattylyq jáne otansúıgishtik sııaqty qundylyqtardy qalyptastyrý maqsatynda Mańǵystaý oblysynyń bilim berý mekemelerinde «1 qyrkúıek – Bilim kúni» merekesine oraı «Adaldyq saǵaty» sharasy ótkizildi.
Sharalardy ótkizýge Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń qyzmetkerleri, «Mańǵystaý – adaldyq alańy» jobalyq keńsesiniń músheleri, «Nur Otan» HDP Mańǵystaý oblystyq fılıalynyń, «Azamattyq alıans» zańdy tulǵalar birlestigi jáne Arnaıy monıtorıngtik top ókilderi lektorlar retinde qatysty.
Árbir lektor óz sózinde Agenttik pen Departament tarapynan atqarylyp jatqan jumys jaıynda, osy sharaǵa arnaıy daıyndalǵan beınerolıkterdi kórsete otyra tyńdaýshylarǵa sybaılas jemqorlyqtyń teris saldary jaıynda jetkizdi.
Jalpy, sharamen oblystyń 141 orta bilim berý mektepteri, 19 kolledji jáne 2 joǵary oqý orny qamtyldy.
Budan bólek, Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetinde ótkizilgen sharamen qatar, Departament basshysynyń birinshi orynbasary Serik Qanybekov oblys turǵyndaryna jergilikti «Mańǵystaý» teledıdaryna suhbat berý arqyly atalǵan taqyryp jaıynda túsindirme berdi.
Osy sharalardy júrgizý barysynda tyńdaýshylardyń taqyryp boıynsha kókeıdegi suraqtaryna naqty jaýap berildi jáne olar sybaılas jemqorlyqqa qarsy mádenıetti qalyptastyrý baǵytyndaǵy alda ótkiziletin is-sharalarǵa belsendi qatysýǵa shaqyryldy.
