Tatarstan Respýblıkasynyń astanasy Qazanda ótken chempıonatqa álemniń 63 elinen, 1354 qatysýshy jınaldy. Olardyń ishinde 34 qazaqstandyq bar. Olar qyzmet kórsetý salasy, kólik jáne logıstıka, shyǵarmashylyq jáne dızaın, óndiris jáne ınjenerlik tehnologııalar, qurylys jáne qurylys tehnologııalary, aqparattyq jáne kommýnıkasııalyq tehnologııalar sııaqty alty baǵyttaǵy mamandyq, 56 quzyrettilik boıynsha básekege tústi.
Qazaqstannan barǵan 34 qatysýshynyń úsheýi - mańǵystaýlyqtar. Olar Mańǵystaý týrızm kolledjiniń stýdentteri: «Nan pisirý sheberi» quzyrettiligi boıynsha Marqabaeva Ásem, «Kondıter isi» boıynsha Kabıeva Kamıla, «Qonaqúı ákimshiligi» boıynsha Sanaılova Servana baqtaryn synady.
Sonymen qatar chempıonat aıasynda jas kəsibı sheberler arasynda ótken «Juniorskills Kazan 2019» chempıonatyna da Mańǵystaý oblysynan 2 qatysýshy qatysty. Olar «Meıramhana isi» quzyrettiligi boıynsha Mańǵystaý týrızm kolledjiniń stýdenti Ýnaıbaev Renat jáne «Maılaý jəne bezendirý jumystary» quzyrettiligi boıynsha Jańaózen qyzmet kórsetý jəne jańa tehnologııalar kolledjiniń stýdenti Turar Erdaýlet 2 oryn «Kúmis medal» ıegeri atandy. Al Qazaqstan 63 eldiń ishinde jalpykomandalyq esepte 14- oryndy ıelendi.
«Mańǵystaý oblysynyń kolledjderi Worldskills halyqaralyq standarttaryn júzege asyrý boıynsha Reseı federasııasynyń aımaqaralyq quzyrettilik ortalyqtarymen kelisim-shart jasap, yntymyqtastyqta jumys jasaý múmkindigin aldy. Endi Koreıa, Qytaı, Fınlıandııa, Fransııa, Irlandııa t.b. memleketterdiń tájirıbesin tyńdap, kásibı baılanysty damytý joldary qarastyrylýda» deıdi mamandar
Bul chempıonat jastarǵa ózderiniń sheberlikterin kásibı deńgeıde kórsetip, bilimi men biliktiligi arqyly bolashaqta mamandyq tańdaýlaryna da úlken múmkindik bolmaq. Aıta keteıik kelesi chempıonat 2021 jyly Shanhaı qalasynda ótpek.
Mańǵystaý oblysy
