Qazaqstan Respýblıkasy Prezıdentiniń Joldaýynda júktelgen mindetter bizdiń ýnıversıtettiń bolashaq qyzmetine baǵdar bolady dep kútilýde.
Joldaýdyń «Áleýmettik jańǵyrýdyń jańa kezeńi» bóliminde bilim berý sapasyn arttyrý jáne eńbek resýrstarynyń balansyn esepke alýdyń tıimdi ádistemesin ázirleý, mamandardy daıarlaýdyń otandyq júıesin jetildirý, oqýshylardyń qabiletterin anyqtaýǵa negizdelgen kásiptik baǵdar berý saıasatyna kóshý sııaqty basymdyqtarǵa erekshe kóńil bólindi. Bul saıasat orta bilim berýdiń ulttyq standartynyń negizin quraýy kerek. Tehnıkalyq mamandardy sapaly daıarlaýdy keńeıtý, qalalyq jáne aýyldyq mektepter arasyndaǵy orta bilim sapasyndaǵy alshaqtyqty azaıtý, aýyldyq jerlerde bilikti muǵalimderdiń jetispeýin azaıtý, «Dıplommen – aýylǵa» baǵdarlamasynyń aıasyn keńeıtý, jumysty jańa deńgeıde jalǵastyrý jáne osy baǵdarlamany qarjylandyrýdy 20 mlrd teńgege deıin arttyrý kerek ekenin aıtty. Daryndy aýyl jastaryn irikteý jáne ony otandyq jáne sheteldik ýnıversıtetterde oqýǵa daıyndaý, az qamtylǵan jáne kóp balaly otbasylardan shyqqan daryndy balalardy qoldaý boıynsha Jol kartasyn ázirleý qajettiligi atap kórsetildi.
Prezıdent sonymen birge joǵary bilim berý men mektep oqýlyqtarynyń sapasy, ǵylymnyń tıimdiligin arttyrý, túlekterdiń 60 paıyz jumyspen qamtylýyn qamtamasyz etý máselelerine toqtaldy. Oqýshylardy sapaly oqýlyqtarmen qamtamasyz etý tıisti mınıstrliktiń tikeleı mindeti. Eger biz muǵalimder men oqytýshylardyń áleýmettik jaǵdaıyn jaqsartpasaq, bul sharalar nátıje bermeıdi. Aldaǵy tórt jyl ishinde muǵalimderdiń jalaqysyn eki esege arttyrý josparlanýda. Bul kelesi jyldan bastap muǵalimderdiń jalaqysy 25 paıyzǵa ósedi degen sóz. Ulttyń álemdik deńgeıge ilgerileýin qamtamasyz etý úshin ǵylymı zertteýlerdiń deńgeıin kóterý jáne ony praktıkada qoldaný qajet ekeni aıtyldy.
Abaı atyndaǵy QazUPÝ pedagogıkalyq ýnıversıtet retinde eń aldymen joǵary bilim men oqýlyqtardyń sapasyn jańartýǵa, sonymen qatar ǵylymnyń tıimdiligin arttyrýǵa múddeli. Ýnıversıtet ujymy Joldaý ǵylymı zertteýlerdiń odan ári damýyna jáne olardy praktıkada qoldaný aıasynyń keńeıýine nusqaıtyndyǵyn qýana qabyldady. Sondaı-aq qoǵamdyq pikirdiń tıimdiligi týraly sharany qoldaıdy. Qoǵamdyq suhbat, ashyqtyq, qyzyǵýshylyq tanytqan tulǵalardyń qajettilikterine jedel den qoıý ýnıversıtet jumysyndaǵy basty basymdyq bolyp tabylady. Birinshi basshymyz - rektor Takır Balyqbaevtan bastap barlyq professor-oqytýshylar quramy stýdenttermen jáne olardyń ata-analarynyń usynys-pikirlerin tyńdaýǵa daıyn. Rektor blogy únemi jumys isteıdi.
