Búgingi tańda joǵaryda esimderi atalǵan jigitterdiń barlyǵy da jasyl alańda jasyndaı jarqyrap júr. Máselen, 32 jastaǵy «Barselonanyń» betkeustary Lıonel Messı men 34 jastaǵy «Iýventýstyń» juldyzy Krıshtıaný Ronaldýdyń sporttyń bul túrinde tolaǵaı tabystarǵa qol jetkizdi. 2008-2017 jyldar aralyǵynda qos sańlaqtyń árqaısysy «Altyn dopty» bes retten ıelendi. Bul jaıt baqandaı toǵyz jyl boıy olardyń ózgelerden oq boıy ozyq bolǵanyn anyq ańǵartady.
Bul kúnderi «Lıverpýldiń» sapynda óner kórsetip júrgen 28 jastaǵy gollandııalyq qorǵaýshy Vırdjıl van Deık te sońǵy ýaqytta asqan sheberlik tanytýda. Bıyl ol ÝEFA taǵaıyndaǵan «Eýropanyń eń úzdik fýtbolshysy» ataǵyn jeńip alǵan bolatyn.
Al ózge atalmydar boıynsha mynalar jyldyń úzdigi atanýǵa úmitti:
Áıelder arasynda eń úzdik oıynshy –Lıýsı Bronz (Anglııa, «Olımpık Lıon»), Aleks Morgan (AQSh, «Orlando Praıd») jáne Megan Rapıno (AQSh, «Reın FK»).
Erler arasyndaǵy eń úzdik qaqpashy – Alısson (Brazılııa, «Lıverpýl), Ederson (Brazılııa, «Manchester Sıtı») jáne Mark-Andre ter Shtegen (Germanııa, «Barselona»).
Erler arasyndaǵy eń úzdik bapker – Pep Gvardıola (Ispanııa, «Manchester Sıtı»), Iýrgen Klopp (Germanııa, «Lıverpýl») jáne Maýrısıo Pochettıno (Argentına, «Tottenhem»).
