Qyzmet kórsetý deńgeıi baǵalandy

Ádette mundaı reıtıngter medısı­nalyq uıymdardyń qyzmet kórsetý sapasyn udaıy arttyrýǵa, sonymen qatar tutynýshylarǵa qajet aqpa­rat­tardy kó­birek taratý arqyly pasıent­terdiń emdeý mekemelerin tańdaýyna múmkindik beredi. Byltyr menedjment kórsetkishteri boıynsha reıtıngte joǵary baǵa alý úshin ulttyq akkredıtteý rásiminen ótý, medısınalyq aqparattyq júıelerdi engizý boıynsha medısınalyq uıymdardyń belsendi jumysy, kadrlyq resýrstardy nyǵaıtý jáne damytý, korporatıvtik basqarýdy damytý tárizdi faktorlar eskerildi. Klınıkalyq kórsetkishter bo­ıynsha reıtıngte joǵary deńgeıge je­týge yqpal etken negizgi faktorlar qa­taryna stasıonardy almastyratyn medı­sınalyq kómek kórsetýdiń sapasy men kólemin jetildirý, joǵary tehnologııalyq medısınalyq qyzmetterdi damytý, son­daı-aq 2017 jylmen salystyrǵanda klı­nıkalyq kórsetkishterdiń oń serpini tárizdi ólshemder kirdi. Nátıjesinde baǵa­laý ádistemesinde birqatar ındı­katorlarǵa qoıylatyn talap ta kúsheıgen. Máselen, reıtıng jasaý barysynda stasıonardaǵy ólim-jitim, aqparattyq medısınalyq júıelerdiń bolýy, qyz­mettiń pasıentter kóńilinen shyǵý deń­geıi, qyzmetkerlerdiń óz jumysyna qana­ǵattaný deńgeıi, dárigerdiń 1 ortasha aılyq jalaqysy mólsherlemesiniń aımaq ekonomıkasyndaǵy ortasha aı­lyq eńbekaqyǵa araqatynasy tárizdi kór­setkishter nazardan tys qalǵan joq. Sonymen qatar bıyl reıtıngke «Ortalyq aýdandyq aýrýhanalar» degen jańa ólshem qosyldy. Bul óz kezeginde aýdandyq aýrýhanalardyń qyzmetin baǵalaýǵa múm­­­kindik berip otyr. Sarapshylar reı­tıng­ti «juldyzben» baǵalapty. Iаǵnı, eń úzdikterine «bes juldyzdy» degen baǵa beriledi, sáıkesinshe qyzmeti nashar mekemelerge «juldyz» buıyrmaı qalýy múmkin.

Jańa reıtıngke qatysqan 163 ortalyq aýdandyq aýrýhananyń 8-i nemese 5 paıyzyna menedjment kórsetkishteri boıynsha «bes juldyzdy», 13-ine (8%) klınıkalyq ólshemder boıynsha osyndaı mártebe berilgen. Qos sanat boıynsha 77 aýrýhana jumysy «tórt juldyzdy» degen baǵa aldy. Bul – reıtıngke qatysqan barlyq ortalyq aýrýhanalardyń 47 paıyzy. О́zgelerine berilgen baǵa tómen bolsa kerek. Al medısına salasyndaǵy ǵylymı-zertteý ınstıtýttary men ortalyqtar arasynda menedjment turǵysynan da, klınıkalyq ındıkator boıynsha da top basynda iri medısınalyq uıymdar tur. Máselen, «Ulttyq ǵylymı kardıohırýrgııa ortalyǵy» AQ qos sanat boıynsha «bes juldyzdy» dep tanylsa, «Ulttyq neırohırýrgııa ortalyǵy» AQ menedj­ment boıynsha, «Kardıologııa jáne ishki aýrýlar ǵylymı-zertteý ınstıtýty» AQ klınıkalyq kórsetkishter boıynsha osyndaı mártebege ıe boldy. Jalpy reıtıngke medısınalyq 17 ǵylymı-zertteý ınstıtýty men ortalyq qatysty.

Jańa reıtıngke osy jo­ly 38 perzenthana men perınataldyq orta­lyq qa­tysty. Olardyń arasynda klınıkalyq jáne menedjment kórset­kishteri bo­ıyn­sha Batys Qazaqstan obly­synyń «Ob­lystyq perınataldyq ortalyǵy» men Jambyl oblysynyń «Qalalyq pe­rı­­nataldyq ortalyǵy» kóshbasshy bol­­dy. Sonymen qatar klınıkalyq kórsetkishteri boıynsha 3 qalalyq jáne 1 oblystyq medısınalyq uıym, menedj­ment kórsetkishteri boıynsha 1 ob­lystyq jáne 4 qalalyq bosandyrý mekemesi kósh­basshylar qataryna kirdi.

Jalpy, reıtıng nátıjelerine kóz júgirtsek, eldegi kóptegen medısınalyq mekemelerdiń qyzmetin jetildire túsý qajet ekeni baıqalady. Aıtalyq, reıtıngke qatysqan 181 medısınalyq-sanı­tarııalyq alǵashqy kómek mekemesiniń ishinde 17 qalalyq emhana menedjment boıynsha eń joǵarǵy kórsetkishke qol jetkizse, klınıkalyq talaptar boıynsha tek 2-eýi ǵana úzdik dep tanyldy. Al reıtıngke qatysqan 78 dıspanserdiń arasynan menedjment boıynsha 5, klınıkalyq ındıkator boıynsha tek 2 mekeme ǵana «bes juldyzdy» dep tanylǵan. Balalarǵa arnalǵan medısınalyq stasıonarlar arasynda menedjment kórsetkishteri boıynsha úzdik dep tanylǵan birde-bir mekeme joq. Klınıkalyq kórsetkishter boıynsha 2 qalalyq jáne 3 oblystyq balalar stasıonary joǵary baǵa aldy. Reıtıngke 26 balalar stasıonary qatysqanyn eskersek, bul kórsetkish maqtana qoıatyndaı deńgeı emes. Ári densaýlyq saqtaý uıymdary arasynda balalar stasıonarlarynyń qyzmetin jetildirý qajet ekenin kórsetedi. Degenmen balalar stasıonarlarynyń sany eresekterge arnalǵan medısınalyq mekemelerden on esege jýyq az ekenin eskersek, qyzmet sapasy jaǵynan kósh sońynda eresekter stasıonarlary tur-aý degen oı túıesiz. О́ıtkeni reıtıngke 224 eresekter stasıonary qatysqan. Olardyń arasynda osy sanat boıynsha Almaty qalalyq «Ortalyq klınıkalyq aýrýhanasy» AQ jáne «Kókshetaý qalalyq kópbeıindi aýrýhanasy» ǵana «bes juldyzǵa» ıe bolsa, menedjment sapasy jaǵynan úzdik dep 6, klınıkalyq ólshemder turǵysynan 18 medısınalyq uıym ǵana tanyldy. Iаǵnı, «bes juldyzdy» degen ataqqa laıyq eresekter stasıonary qos sanatty biriktirgenniń ózinde barlyq mekemelerdiń 10 paıyzyn ǵana qurady.

Árıne jyl ótken saıyn densaýlyq saqtaý mekemeleriniń qyzmet kórsetý sapasy jaqsaryp kele jatqanyn moıyndaý kerek. Ári oǵan naqty baǵa berý ólshemderi de kúrdelene tústi. Sonymen qatar bıylǵy reıtıngke qatysqan medısınalyq mekemeler sany da artqan. 2017 jylǵy reıtıngke 538 mekeme qatyssa, 2018 jyly 724 uıymnyń qyzmetine baǵa berildi. Baǵalaý nátıjelerine qarasaq medısınalyq mekemelerdiń klınıkalyq kórsetkishteri menedjmentten góri táýir ekeni baıqalady. Jańa reıtıngte 308 mekeme klınıkalyq ólshem boıynsha 4 jáne 5 degen baǵa alsa, menedjment sapasy jaǵynan 277 mekeme mundaı baǵalaýǵa laıyq dep tanyldy. Biraq 2017 jylǵy reıtıngte menedjment sanaty boıynsha 538 mekemeniń 71-i 4 pen 5 juldyzǵa ıe bolǵan edi.