Eń alǵashqy másele – tıimdi zamanaýı memleket. Iаǵnı, bılik pen azamattyq qoǵam arasynda tıimdi qarym-qatynas ornatýda memlekettik organdardyń róli joǵary bolýy tıis. Sondyqtan memlekettik qyzmetkerler jumysynyń tıimdiligin arttyrý maqsatynda 2020 jyldan bastap daıyndyqtan ótken jas mamandardy tartý jáne olardy yntalandyrý júıesin engizý arqyly memlekettik qyzmetkerler sany kezeń-kezeńimen qysqartylatyn bolady. Ekinshi mindet – azamattardyń quqyǵy men qaýipsizdigin qamtamasyz etý. Polısııa adamdardyń qaýipsizdigin qamtamasyz etý úshin azamattarǵa qyzmet kórsetý organyna aınalady. Prezıdent polısııa jumysynyń tıimdiligi polısııa qyzmetiniń bedeline baılanysty bolatyndyǵyn atap kórsetti. «Osyǵan baılanysty, Ishki ister mınıstrligi qyzmetin reformalaýǵa úsh jyl ishinde 173 mlrd teńge bólinedi. Bul qarajat olardyń jalaqysyn arttyrýǵa, turǵyn-úı jaldaýyna, Halyqqa qyzmet kórsetý ortalyǵynyń prınsipi boıynsha polısııanyń qazirgi zamanǵa saı front-ofısterin qurýǵa jumsalady. Polısııa qyzmetiniń ashyqtyǵyn qamtamasyz etý maqsatynda qazirgi tańda oblysymyzda kóshi-qon qyzmetterin kórseteý ortalyǵy men 4 front-ofıs ashylyp azamattarǵa qyzmet kórsetýde», dedi oblys ákimi.
О́ńir basshysy toqtalyp ótken úshinshi mindet – qarqyndy damyǵan jáne ınklıýzıvti ekonomıka. О́ńirdiń áleýmettik-ekonomıkalyq damýynyń negizgi kórsetkishi – ishki óńirlik ónim. Aımaq ekonomıkasynda oryn alyp otyrǵan keıbir jaǵdaılarǵa qaramastan (munaı óndirý kóleminiń túsýi esebinen ónerkásip óndirisiniń tómendeýi) onyń naqty kólem ındeksi jyl saıyn oń dınamıka kórsetýde.
- О́zderińiz bilesizder, oblys ekonomıkasy munaı óndirisine táýeldi. Prezıdent óz Joldaýynda shıkizatqa baılanǵan mentalıtetten bas tartyp, ekonomıkany ártaraptandyrý qajettigin atap ótti. Bul baǵytta eksportka beıimdelgen óndiristerdi damytý boıynsha arnaıy baǵdarlama jasaqtalatyn bolady. Prezıdent 2025 jylǵa deıin óńdeý ónerkásibindegi eńbek ónimdiliginiń naqty ósimin kem degende 1,7 esege arttyrý maqsatyn qoıdy. Bizde bul kórsetkishti 2 esege jetkizýge múmkindik bar,- dedi oblys ákimi.
Shaǵyn jáne orta bıznes – halyqty turaqty jumyspen qamtyp, jumyssyzdyqty azaıtýǵa jáne jergilikti bıýdjettiń salyq bazasyn nyǵaıtýǵa múmkindik beretin sala. Bıznesti zańsyz ákimshilik qysymnan jáne qylmystyq qýdalaý qaýpinen qorǵaý máselesi de Prezıdent Joldaýynda aıtyldy. «2020 jyldan bastap bıznes júktemesin azaıtý maqsatynda shaǵyn bıznes sýbektileri 3 jyl boıy óz kiristerine salynatyn salyqtan jáne tekserýden bosatylady. Alaıda, bıznes te tutynýshylar aldyndaǵy óz jaýapkershiligin umytpaýy tıis. Aldaǵy ýaqytta bıznesti damytý baǵytynda negizgi basymdylyq - januıalyq bıznes qurýǵa, onyń ishinde kópbalaly jáne az qamtylǵan otbasylary úshin áleýmettik aspektige negizdelgen jobalarǵa berilýi tıis», dep atap ótti Serikbaı Trumov.
Mańǵystaý óńiri úshin ekonomıkany ártaraptandyrýdyń potensıaldy salasynyń biri – týrızm. Jaǵajaı týrızmin damytýǵa negiz bolatyn «Týrızmdi damytýdyń 2019-2025 jyldarǵa arnalǵan» memlekettik baǵdarlamasy jasaqtaldy. Baǵdarlamaǵa sáıkes, Aqtaý teńiz kýrorty respýblıkadaǵy týrıstik aımaqtardyń TOP-10 qataryna engizildi. Osy oraıda, aımaq basshysy: «Endi bizge týrızm nysandary ornalasatyn jaǵajaı aýmaǵyn qajetti ınfraqurylymmen qamtamasyz etý qajet. Qazirgi tańda joldar qurylysy, sý, gaz jáne elektrmen qamtý jobalary jasaqtalyp, qurylys jumystaryn júrgizetin merdigerler anyqtaldy», dedi.
Tórtinshi mindet – áleýmettik jańǵyrýdyń jańa kezeńi. Prezıdent muǵalimder men oqytýshylardyń áleýmettik jaǵdaıyn jaqsartpaı bilim sapasyn arttyrý múmkin emestigin atap ótti. Úkimetke kelesi jyldan bastap ustazdardyń jalaqysyn 25 paıyzǵa ósire otyryp, aldaǵy tórt jyl ishinde muǵalimderdiń eńbek aqysyn eki ese arttyrýdy tapsyrdy. Bul qoldaýmen bizdiń oblysta 14 myńǵa jýyq ustaz qaýymy qamtylatyn bolady.
Besinshi mindet – qýatty óńirler – qýatty el dep atalady. Joldaýdyń bul bóliginde bıýdjetaralyq qatynastar júıesin reformalaý aıtyldy. Turǵyn-úı saıasatyndaǵy negizgi maqsat – turǵyndardy, onyń ishinde halyqtyń áleýmettik turǵydaǵy osal toptaryn qoljetimdi turǵyn úımen qamtý. Búginde bizdiń oblysymyzda atalǵan kategorııada 5 585 otbasy bar. О́ńirde «Baqytty otbasy» baǵdarlamasy aıasynda jyl sonyna deıin 220 otbasy baspanaly bolady. «Taǵy da bir másele – halyqtyń áleýmettik álsiz toptary úshin jaldamaly turǵyn úı salýdy ulǵaıtý. Osy sala boıynsha Joldaýda kóppáterli turǵyn úılerdi jóndeýden ótkizý de aıtyldy. О́ńirlerge 2 jyl ishinde turǵyn úı qoryn modernızasııadan ótkizýge 30 mlrd teńge bólinetin bolady. Kópqabatty úılerdi modernızasııadan ótkizý tájirıbede bar mehanızm. Oblysymyzdaǵy kópqabatty turǵyn úıler sany – 1 654, onyń 291-i kúrdeli jóndeýdi qajet etedi. Sondyqtan biz memleket tarapynan kórsetilip jatqan osyndaı múmkinshilikterdi utymdy paıdalanýymyz kerek», dedi aımaq basshysy.
Joldaýda Elbasy arnaıy basymdyq retinde óńirlik jáne qalalyq ınfraqurylymdy damytýǵa aıryqsha nazar aýdardy. Jergilikti mańyzdaǵy joldardy salý jáne aýyldyq jerlerdi sýmen qamtý máselesi salanyń basty prıorıteti. «Oblystaǵy aýyldyq eldi mekenderde ortalyqtandyrylǵan aýyz sýmen qamtamasyz etý kórsetkishin jyl sońyna deıin 75%-ǵa jetkizemiz. Bul aýyldyq turǵyndardyń 93%-y qamtylady degen sóz. Joldarǵa keler bolsaq, olardy jóndeýge jáne salýǵa jergilikti bıýdjetten jyl saıyn 9 mlrd teńgege deıin bólinedi. Qazirgi tańda aýdanaralyq joldardyń kóp bóliginiń jaǵdaıy jaqsy, sondyqtan aldaǵy ýaqytta qarajattyń basym bóligin aýylishilik joldardy salýǵa baǵyttaıtyn bolamyz», dep atap ótti oblys ákimi.
Sondaı-aq jıynda ár salanyń ókilderi joldaýǵa qatysty oı-pikirin bildirdi. Olardyń qatarynda «Salamatty el» qoǵamdyq birlestiginiń jetekshisi Gúlzıra Esetova, Munaıly aýdany №5 Shoǵy Muńaluly atyndaǵy orta mektebiniń «Qazaq tili men ádebıeti» pániniń muǵalimi Zamıra Aldabergenova, N. Jantórın atyndaǵy oblystyq mýzykalyq-drama teatrynyń ártisi Saǵadat Seıitqojaeva, «ABK Trans» JShS dırektory Mustafın Qýanysh, «Beken» jas kóshbasshylar dostastyǵynyń dırektory Muqash Bekenuly oı-pikirlerin bildirdi.
Qorytyndylaı kele, oblys ákimi Serikbaı Trumov jaýapty tulǵalarǵa birqatar tapsyrmalar júktep, áriptesterin Prezıdenttiń alǵa qoıǵan mindetterin júzege asyrýǵa shaqyrdy.
