Básekeni jerlesterimiz qarqyndy qımyldaǵanymen, 20 mınýt aralyǵynda qarsylastar qaqpasynyń kiltin taba almady. Qonaqtar da asa bir belsendilik tanyta qoıǵan joq. Esesine úzilisten keıin Qıyr Shyǵystan kelgen jigitter birneshe tegeýrindi shabýyldar uıymdastyrdy. Sonyń ekeýi nátıjeli aıaqtaldy. 32 mınýtta Markýs Iýng jáne 37 mınýtta Adam Almkvıst nysanany dál kózdedi. «Barys» ta qarap qalǵan joq. Desek te aıdyn ıelerine dáldik jetispedi. Úshinshi kezeńniń 51 mınýtynda Korben Naıt esep aıyrmashylyǵyn qysqartqanymen, kóp uzamaı «Admıraldyń» oıynshylary taǵy bir gol soǵyp ketti. Esep – 1:3.
Búgin «Barys» Habarovskiniń «Amýryn» qabyldaıdy. Olar da tusaýkeser kezdesýinde jeńilgen bolatyn. Qıyr Shyǵystyń bul komandasy Novosibirdiń «Sibirine» 1:2 esebimen ese jiberdi.
