Atalǵan qanatqaqty jobany júzege asyrý jónindegi birlesken buıryqqa Sıfrlyq damý, ınnovasııalar jáne aeroǵarysh ónerkásibi mınıstrligi men Eńbek jáne halyqty áleýmettik qorǵaý mınıstrligi qol qoıdy. Joba ázirge «Azamattarǵa arnalǵan úkimet» memlekettik korporasııasynyń zeınet jasyna jetetin qyzmetkerlerin qamtıdy. Búginde korporasııada 22 myń qyzmetker eńbektenedi.
Zeınetkerlikke shyǵý barysynda dástúrli túrde HQO arqyly jasyna baılanysty zeınetaqy tólemderin, memlekettik bazalyq zeınetaqy tólemderin jáne biryńǵaı jınaqtaýshy zeınetaqy qorynan zeınetaqy tólemderin taǵaıyndaý memlekettik qyzmetteri rásimdeledi. Budan bylaı halyqqa qyzmet kórsetý ortalyǵyna barý qajettiligi bolmaıdy.
Zeınet jasyna tolǵanǵa deıin 10 kún buryn bolashaq zeınetkerge qyzmetti proaktıvti túrde rásimdeýge usynys bildiretin sms-habarlama joldanady. Kelisim berilgen jaǵdaıda, kadr bólimine aldyn ala tapsyrylǵan qujattar elektrondy túrde jaýapty memlekettik organnyń maquldaýyna jiberiledi.
Aıta keteıik, zeınetker jumys berýshisiniń kadr bólimine aldyn ala eńbek ótili, zeınetkerlik júıege qatysýy sııaqty málimetterdi usynady, bul aqparat, óz kezeginde, eńbek kelisimderin esepke alý biryńǵaı júıesine engiziledi.
Atalǵan ádis arqyly memlekettik korporasııanyń eki qyzmetkeri zeınetkerlikke shyǵyp úlgerdi. Tıisti sms-habarlamalardy alǵandardyń qatarynda astanalyq áleýmettik qamsyzdandyrý bóliminiń jetekshisi Raıhan Joldyqulova men Aqmola oblysy fılıalynyń jer kadastry bóliminiń qyzmetkeri Lıýbov Shestaeva bar.
- Korporasııamyz sıfrlyq jańashyldyqtardyń únemi basy-qasynda júredi. Biraq dál osy zeınetkerlikke shyǵý jobasynyń alǵashqy qatysýshysy bolamyn dep oılamappyn. Zeınet jasyna jetkende qanshama qujattyń mashaqaty baryn bilemin. Barlyǵy sms-pen sheshilgenine qýanyshtymyn, deıdi zeınetker Raıhan Joldyqulova.
Qanatqaqty joba qorytyndysy boıynsha onyń ózge mekemelerge taralýy boıynsha sheshim qarastyrylady.
