Qazaqstanǵa Qytaıdyń 55 eski zaýyty kóshiriledi-mys degen negizsiz aqparattyń ras-ótirigin bilý jáne qarsylyq tanytý maqsatynda Jańaózen, Aqtaý qalalarynyń bir top azamattary narazylyq aksııasyn uıymdastyrǵan bolatyn. Mańǵystaýǵa qytaılyq ınvestorlar men jumysshylaryn ákelýge qarsylyq tanytqandarmen oblys ákimi Serikbaı Trumov eki kún qatarynan kezdesip, máseleniń mán jáıin túsindirdi jáne jergilikti azamattardyń talaptaryn QR Prezıdent ákimshiligine jetkizdi.
- Biz jańaózendik jerlesterimizdi túsinemiz, táýelsizdik úshin, el taǵdyry úshin alańdaǵan óte jaqsy, degenmen tórt kúnnen beri oryn alǵan oqıǵaǵa oraı oblys ákimdigi tarapynan aıtatynymyz – aldaǵy bes jylda Mańǵystaýda qytaılyq ınvestorlardyń qatysýymen eshqandaı joba júzege aspaıdy jáne josparda da joq. Sondaı-aq, osy kúnder ishinde alańǵa shyǵyp, ózderiniń azamattyq únin bildirgen Jańaózen, Aqtaý qalasynyń turǵyndary jaýapqa tartylǵan joq jáne tartylmaıdy, dedi Qanybek Bekbolatuly О́ńirlik kommýnıkasııalar qyzmeti alańynda ótken brıfıngte.
Táýelsizdik alǵannan beri, elimizge álemniń 120-dan astam elinen 330 mıllıard dollar sheteldik ınvestısııa tartyldy. Investısııanyń negizgi bóligi (50%-dan astam) Eýropalyq Odaq elderine, onyń ishinde Shveısarııaǵa (25,8 mlrd.), Fransııaǵa (16,1 mlrd.), Italııaǵa (8,7 mlrd.), Nıderlandyǵa (90,4 mlrd.), Belgııa (7,6 mlrd.), Germanııa (5,2 mlrd.) keledi. Odan keıin Amerıka Qurama Shtattaryna tikeleı sheteldik ınvestısııalardyń 15% nemese 48,4 mlrd. keledi. Shamamen 5% Ulybrıtanııa men Qytaı ınvestısııalary. Bul qatynas sońǵy onjyldyqtarda saqtaldy. 1 tamyzdaǵy jaǵdaı boıynsha Qazaqstanda 19 myń zańdy tulǵa men fılıaldar bar, olardyń 35,3% - y Reseı, 9,5% -y Túrkııa, 5,7% - y О́zbekstan, 5,6% -y Qytaımen, 3,1% - Germanııanyń qatysýymen. Bul jalpy álemdik tájirıbe. Sol sııaqty, qazaqstandyq kompanııalardyń shetelde ókildikteri men fılıaldary bar.
2010 jyldan bastap sheteldik ınvestısııalar jónindegi qazaqstandyq ýákiletti organdar shamamen 650 jobany qarastyrdy. Onyń ishinde Eýropalyq Odaq elderinen ınvestorlar usynǵan jobalar - 185, Reseı Federasııasy - 111, Túrkııa - 80 jáne Qytaı - 55 joba jáne t.b. Usynylǵan jobalardyń ishinen, zamanaýı tehnologııalardyń transferin qamtamasyz etetin, joǵary qazaqstandyq mazmundy jáne Qazaqstan Respýblıkasynyń azamattary úshin jumys oryndaryn qurýdy qamtamasyz etetin jáne jumysshylarynyń 95 paıyzy qazaqstandyq bolatyn jobalarǵa basymdylyq beriledi.
Osy prınsıpterge súıene otyryp, kórsetilgen merzimde $ 16,2 mlrd aqsh. dollaryna 235 joba (basqa jobalar qarastyrylýda) júzege asyryldy, onyń ishinde 133 joba Eýropalyq Odaq elderi jáne Reseımen júzege asyrylǵan.
Qytaı Halyq Respýblıkasy, kóptegen ınvestorlardyń biri bola otyryp, 15 jobany qarjylandyrdy jáne iske asyrdy.
Mańǵystaý oblysy
