«Meniń Qazaqstan halqyna Joldaýymnyń negizin qoǵamdyq tilekter men suranystar qurady. Joldaýda aıtylǵan bastamalardy Ulttyq keńes sheńberinde pysyqtaýǵa jáne damytýǵa bolady. Sonymen qatar, bizdiń birlesken jumysymyzdyń bastapqy sharttary kelesi oń faktorlarmen qamtamasyz etilgen. Birinshiden, pikir plıýralızmi. Ulttyq keńeste túrli áleýmettik jáne kásibı toptar, sondaı-aq ekonomıkalyq jáne saıası kózqarastar men ustanymdardyń keń spektri usynylǵan. Ekinshiden, qoǵamdyq dıalogty ınstıtýttandyrý. Bizdiń birlesken jumysymyz úshin barlyq qajetti jaǵdaılar jasalǵan»,- dedi Memleket basshysy.
Aıta keteıik, elordada Ulttyq qoǵamdyq senim keńesiniń alǵashqy otyrysy ótip jatyr. Sharaǵa Keńes músheleri men BAQ ókilderi qatysýda.
