Qyrkúıektiń 7-8 kúnderi aralyǵynda bekitilgen josparǵa sáıkes, Almaty jáne Qostanaı oblysynyń aýyl sharýashylyq taýar óndirýshileriniń qatysýymen jármeńke ótedi. Atalǵan jármeńkege jetisý óńiriniń 17 aýdan, 3 qala jáne «Jetisý» ÁKK» Aksıonerlik Qoǵamy qatysady.
Astana turǵyndaryna jalpy quny 163 mln. teńgeden asatyn kólemi 330,9 tonna 48-den astam aýyl sharýashylyǵy ónimderiniń túrleri usynylady. Onyń ishinde jylqy eti – 8,8 tonna, sıyr eti - 14,6 tonna, qoı eti - 9,0 tonna, qus eti – 0,4 tonna, balyq ónimderi – 15,7 tonna, kókónis – 105,1 tonna, alma, jemis-jıdek – 32,2 tonna, kartop – 39,1 tonna, sút ónimderi – 14,5 tonna, shubat pen qymyz - 2,9 tonna, kúrish - 16,2 tonna, un - 5,8 tonna, qant – 7,0 tonna, bal – 0,5 tonna, jumyrtqa - 16,3 myń dana, bakaleıa ónimderi - 2,4 tonna jáne basqa ónim túrleri – 88,5 tonna.
Uıymdastyrýshylardyń aıtýynsha, taýarlar baǵalary elordadaǵy bólshek saýda baǵalarynan 15-20 paıyzǵa tómen bolady. Jármeńke eki kún boıy saǵat 08.00-den 18.00-ge deıin jalǵasady. Kelýshiler úshin Almaty oblysynyń ónerpazdary konserttik baǵdarlama usynady.
