Aımaqtar • 07 Qyrkúıek, 2019

Mańǵystaýda aýyl turǵyndarynan iri kólemdegi esirtki tárkilendi

290 ret
kórsetildi
1 mın
oqý úshin

Jedel-izdestirý is-sharasy barysynda Mańǵystaý oblysy Polısııa departamentiniń Esirtki qylmysyna qarsy kúres basqarmasynyń qyzmetkerleri 5 qyrkúıek kúni shamamen saǵat 13:30-da buryn sottalǵan Atameken aýylynyń eki turǵynyn quryqtady. Bul týraly Mańǵystaý oblysy Polısııa departamenti baspasóz qyzmeti habarlady.

Mańǵystaýda aýyl turǵyndarynan  iri kólemdegi esirtki tárkilendi

Áıelder turatyn úıdi tintý barysynda jazǵy kúrkeniń janyndaǵy ýchaskede jer astynan jasyryn oryn tabyldy. Qyzmettik Chak atty ıttiń kómegimen jasyryn jerde jeti úlken qap jalpy salmaǵy 88 kelini quraıtyn marıhýana tabyldy.

Atalǵan is boıynsha QR Qylmystyq kodeksiniń 297-babynyń 2-bóligi (esirtki zattardy, psıhotroptyq zattardy, sol tektesterdi ótkizý maqsatynda zańsyz daıyndaý, óńdeý, ıemdenip alý, saqtaý, tasymaldaý, jóneltý nemese satý) boıynsha sotqa deıingi tergeý júrgizilýde.


Mańǵystaý oblysy