Aqtóbe garnızonynda memlekettik shekaraǵa qol suǵylmaýyn, onyń aýmaqtyq tutastyǵy men egemendigin qorǵaıtyn, udaıy jaýyngerlik ázirlikti ustap turatyn, memlekettik mekeme nysandarynyń kúzetilýi men qorǵalýyn qamtamasyz etetin motoatqysh, artıllerııa jáne barlaýshy shtýrmalyq bólimsheler bar.
Odan basqa garnızonynda Áýe qorǵanysy kúshteriniń Áskerı ınstıtýty jáne Qazaqstan Respýblıkasy Qorǵanys mınıstrliginiń Áskerı-tehnıkalyq mektebi bar. Qorǵanys vedomstvo basshysy oqý-materıaldyq bazanyń, qarý-jaraq pen áskerı tehnıkanyń saqtalý jaǵdaıyn tekserdi.
Odan basqa, Qorǵanys mınıstri Aqtóbe qalasyndaǵy áskerı gospıtalge baryp, mobıldi medısınalyq keshen, qabyldaý jáne hırýrgııalyq bólimsheni aralap shyqty. Aqtóbe q. áskerı gospıtal emdeý bólimsheleri, dıagnostıkalyq, qamtamasyz etý bólimsheleri jáne gospıtal ákimshiligi ornalasqan. Odan basqa, óziniń zerthanasy, tis emdeý bólimi men dárihanasy bar. Onyń qyzmetine Aqtóbe, Batys Qazaqstan, Atyraý jáne Mańǵystaý oblystarynda ornalasqan garnızondardyń áskerı qyzmetshileri qaraıdy. 2019 jyly mekemede emdelgen áskerı qyzmetshilerdiń 100%-y óz qyzmetterine oralǵan.
Áskerı garnızonda kúrdeli jol jáne qolaısyz aýa raıy jaǵdaıyna arnalǵan jumys isteý mobıldi medısınalyq keshen bar. Oǵan mobıldi operasıaly-reanımasııalyq keshen, mobıldi rentgen kesheni jáne gospıtaldi bólimsheler kiredi. Ol joǵary ótimdi júk avtomobıli bazasynda ornalasqan jáne dalalyq jaǵdaıda eki saǵat kóleminde aınala alady. Bul tótenshe jaǵdaılarda, ekologııalyq apattar men áskerı qaqtyǵystarda zardap shekkenderge medısınalyq kómek kórsetýge múmkindik beredi.
Sapar qorytyndysy boıynsha Nurlan Ermekbaev basymdyq mindetterdi belgiledi jáne ári qaraıǵy jumys boıynsha birqatar naqty tapsyrmalar berdi.
