«Qalamger» fılmi jaryqqa shyqty

Oqıǵa Sátjan esimdi jas jazý­shynyń Almatyǵa kelýimen bas­talady. Jazýshylar odaǵyna qabyldanyp, shyǵarmalarymen birden kózge túsken jas talant ǵylym jolyna bet burady. Jabyq taqyryp sanalyp kelgen Alash taqyrybyna dıssertasııa jaza bastaǵan ol qyspaqqa alynyp, qatań ıdeologııalyq baqylaýdyń ústemdigi jazýshy muratyn aıaqasty etýge kúsh salady. Fılmde ótken ǵasyrdyń 70-80-jyldaryndaǵy aqyn-jazýshylardyń basynan keshken jaǵdaıy bas keıipker Sátjan arqyly beınelenedi. Sátjan – jıyntyq obraz. Kınokartınada ádebıettiń qoǵam isine batyl aralasýy, ádebıettiń taqyryptyq arnasynyń keńeıýi tusynda atsalysqan aqyn-jazýshylar obrazy, oǵan qosa mahabbat dramasy osy Sátjannyń boıyna toǵystyrylǵan.

«Jazýshylar odaǵynyń bıik minberinde partııanyń jalyn­dy úndeýleri jarııalansa, irge­degi «Qalamger» kafesinde aıty­­­latyn áńgimelerdiń aýany tipti basqa bolatyn. Kom­par­tııa nus­qaýlarynyń kúshi júr­meı­tin, senzýranyń qamyty qys­paıtyn, jazýshylardyń ázili men astarly áńgimesi, qal­jy­ńy men qaǵytpasy qatar júretin «Qalamger» kafesi sol kezdegi qoǵamnyń shynaıy bet-per­de­si­niń sımvoly retinde alynyp otyr», deıdi fılm rejısseri Murat Bıdosov. Onyń aıtýyn­sha, drama ataýy – qolyna qa­lam ustaǵan jazýshy qaýymdy meńzese, astarly maǵynasynda azattyqqa umtylǵan qalamger qaýymnyń bulqynysy, ishki sherin kórsetedi. Fılm ómirde bolǵan adamdardyń pro­to­tıp­te­ri arqyly olar bastan keshken oqıǵalarǵa súıene otyryp, sol dáýirdiń tynys-tirshiligin kórsetýdi maqsat tutqan.

– Týyndydaǵy keıip­ker­ler­diń deni tarıhı tulǵalar. Bas keıipker Sátjan sol dáýirdegi qalam­gerlerdiń jıyntyq obra­zy bolsa, oǵan qarsy tura­tyn jaǵymsyz keıipker de par­tııa­nyń soıylyn soqqan, ýa­qyt­tyń qurbanyna aınalǵan jan, – deıdi «Qalamger» fılminiń sse­narıı avtory Serjan Záker­uly.

Kartınaǵa kórnekti jazý­shy Dýlat Isabekov, aqyn Baqyt Be­delhan keńesshi retinde tar­tylyp, týyndynyń jalpy mazmuny men kórkemdik talaptaryn muqııat pysyq­ta­ǵan. Basty rólderdi som­da­ǵandardyń qatarynda Baǵ­dáý­let Shaımahan, Jal­ǵas Tolǵanbaı, Narǵyz Altaı­baı, Ergenbaı Ábýev, Dosjan Janbotaev, Baltabaı Seıit­mamyt, Arnur Qudııarbek bar. 14 bólimnen turatyn kóp se­rııaly týyndynyń tele­vı­zııalyq nusqasy Táýel­siz­dik kúni qarsańynda «Habar» arnasynan qalyń kórer­men­ge jol tartady. Joba Aqpa­rat jáne qoǵamdyq damý mınıs­tr­liginiń qoldaýymen júzege asyrylyp, «Rýhanı jańǵyrý» baǵdarlamasy aıasynda túsiril­di.