Jańa oqý jylynyń basynda «Mektepke jol» aksııasy ótkizilýde. Bul rette «Batys» óńirlik qolbasshylyǵynyń áskerı qyzmetshileri de tys qalmaı, 60-qa jýyq oqýshylardy kópten kútken oqý jylyna daıyndaýǵa at salysty. Basshylyqtyń sheshimimen bul aksııa qyrkúıek aıynyń sońyna deıin jalǵasatyn bolady.
«Mektepke jol» aksııasynyń barysynda arnaıy forma men sport formasy, sómkeler jáne kanselıarııalyq quraldar satylyp alyndy. Áskerı bólimderdegi tárbıeshi ofıserler men áskerı qyzmetshilerdiń otbasylarymen jumys jasaý qyzmetiniń bastamasymen kóp balaly jáne túrli sebeptermen qıyn ómirlik jaǵdaıdaǵy otbasylarǵa kómek kórsetildi. Bul aksııa Aqtaý, Atyraý jáne Aqtóbe garnızonynda jyl saıyn ótkizilip keledi.
Áskerı qyzmetshilerdiń otbasymen jumysty uıymdastyrý qyzmetiniń jetekshisi Elvıra Akynbaevanyń aıtýynsha, aksııanyń basty maqsaty – kóp balaly áskerı qyzmetshilerdiń otbasylary, tolyq emes otbasyndaǵy balalar jáne jetim balalar árdaıym áskerılerdiń nazarynda.
- Aıdyn sońyna deıin taǵy da 10 shaqty otbasyǵa járdem beremiz dep úmittenip otyrmyz, dedi ol.
Qazaqstandyq armııanyӊ áskerı qyzmetshileri udaıy negizde muqtaj qazaqstandyqtarǵa qolushyn sozyp júrgenin atap óteıik. Elimizdiӊ ár áskerı bólimi boıynsha áskerıler sheftik kómek kórsetip júrgen Uly Otan soǵysynyӊ ardagerleri men balalar úıiniӊ tárbıelenýshileri bekitilgen.
Mańǵystaý oblysy
