Jańa oqý jylynyń bastalýymen balalardy Nur-Sultan qalasy QHA hatshylyǵynyń meńgerýshisi Lázzat Qusaıynova quttyqtady. «Elordalyq Qazaqstan halqy Assambleıasynyń 23 etnomádenı birlestigi janynda 12 jeksenbilik mektep jumys isteıdi. Jeksenbilik mektepterde sabaqtar keshendi jáne júıeli túrde ótkizildi», – dep atap ótti L. Qusaıynova.
Armenııa Respýblıkasynyń Qazaqstandaǵy Tótenshe jáne О́kiletti Elshisi Gagık Galachıan da balalardy jańa oqý jylynyń bastalýymen quttyqtady. «Balalar úshin eń bastysy – sapaly jáne jaqsy bilim alý. Qazaqstan Respýblıkasynyń Úkimetine kórsetilgen kómek úshin alǵysym sheksiz», – dedi G. Galachıan. «Van» armıan mádenı ortalyǵynyń tóraǵasy Saak Salýmıan jeksenbilik mektepte atqarylyp jatqan jumystar jóninde áńgimeledi. Onyń aıtýynsha, osy jylda armıan jeksenbilik mektebinde 4 synyp boıynsha 40 oqýshy bilim alatyn bolady.
«Vozrojdenıe» nemister qoǵamynyń ǵımaratynda nemis jeksenbilik mektebi jańa oqý jylynyń ashylýyn ótkizdi. Germanııadan arnaıy kelgen mádenıet assıstenti Anton Haýr merekelik is-sharaǵa qatysty. Sondaı-aq, mektepte «tańǵy sheńber», «tanysý» oıyndary ótkizildi. Keıin balalar úsh toptyń árqaısysyndaǵy úsh sabaqqa qatysty. Ol nemis tili, eltaný, qolóner sabaqtary bolatyn. Interaktıvti rejımde oqýshylar bolashaq oqý jylynan kútetin úmitter men tilekter týraly arnaıy sabaq ótkizdi.
«Lad» RSD Astanalyq fılıaly» QB orys jeksenbilik mektebi de 2019-2020 jylǵy arnalǵan jańa oqý jylyna arnalǵan alǵashqy sabaqtaryn ótkizdi. Bul joly mektepke15-ten asa jańa oqýshy qabyldanǵan. Alǵashqy sabaqqa jeksenbilik mektep oqýshylar, ustazdar, Nur-Sultan qalasyndaǵy Qazaqstan halqy Assambleıasy hatshylyǵynyń músheleri jınaldy. Elordalyq QHA hatshylyǵynyń bas mamany Gúlnar Taıgokova jańa oqý jylymen quttyqtap, orys jeksenbilik mektebiniń tájirıbesi men dástúrlerin atap ótip, oqýshylarǵa tabys tiledi. «Lad» RSD Astanalyq fılıaly» QB tóraǵasy Nıkolaı Shepelıýk pen mektep ustazdary da merekelik tilekterin arnady.
Qazaqstandaǵy etnostardyń jeksenbilik mektepteri til, mádenıetti jáne salt-dástúrlerdi odan ári damytý maqsatynda arnaıy qurylǵan.
