Jalpy, aımaqtyq turǵydan alǵanda, Nur-Sultan qalasy medısınalyq saqtandyrý jarnalary - aýdarymdary boıynsha Almaty qalasynan (20,7%) keıin ekinshi orynda keledi, al úshinshi orynda - Qaraǵandy oblysy (8,2%).
«Medısınalyq saqtandyrý qoryna jarna aýdarýda elordalyq jumys berýshiler ádettegideı belsendi atsalysýda. Olar tamyz aıynda 1, 144 mlrd teńgeden astam jarna aýdarǵan. Medısınalyq saqtandyrý jarnalary men aýdarymdarynyń qomaqty bóligi – 1,141 mlrd teńge (99,70%) jumys berýshilerge tıesili, al 3 mln teńge (0,30%) – jeke kásipkerler men azamattyq-quqyqtyq kelisimshart negizinde eńbek etetin azamattardan túsken jarnalar», - deıdi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
Áleýmettik medısınalyq saqtandyrý qoryna túken barlyq mindetti áleýmettik medısınalyq saqtandyrý jarnalary, ıaǵnı jınaqtalǵan qarjy, Ulttyq bankpen arada jasalǵan senimgerlik basqarý týraly kelisimshartqa sáıkes, Ulttyq bankte saqtalady. 2020 jyldan bastap bul qarajat Mindetti áleýmettik medısınalyq saqtandyrý paketi sheńberindegi qyzmetter aqysyn tóleýge jumsalady.
