- Qazirgi ýaqytta Májilistiń qaraýynda 45 zań jobasy bar. Barlyq 3 fraksııa jumysqa kiristi. Bizdiń fraksııanyń aldyna berilgen tapsyrmalardyń, saılaýaldy baǵdarlamanyń jáne «100 naqty qadam» Ult Josparynyń júzege asyrylýyna sapaly baqylaý júrgizý boıynsha mindetter qoıyldy, - dedi Nurlan Nyǵmatýlın.
Sonymen qatar, Elbasyǵa Eýropa jáne Azııa elderi Parlamentteri spıkerleriniń keńesine daıyndyq týraly aıtty.
- 23-24 qyrkúıekte spıkerler Keńesine álemniń 65 elinen kelgen delegattar qatysady. Elimizde osyndaı joǵary deńgeıdegi parlamenttik is-shara sońǵy 20 jylda alǵash ret ótkizilip otyr. Bıylǵy jyly Eýropa men Azııa elderi Parlamentteri spıkerleriniń keńesi Eýrazııalyq ıdeıanyń 25 jyldyǵyna arnalǵan, - dedi Parlament Májilisiniń Tóraǵasy.
