Básekeni qonaqtar óte qarqyndy bastady. Kezdesý bastalǵan bette Eılon Almog tamasha soqqymen esep ashty. Odan keıin de olar aıyp alańymyzda birneshe ret qaýipti shabýyldar uıymdastyryp, bizdiń jigitterdi ábden sastyrdy. Desek te komanda kapıtany Muhamedjan Seısenniń óte saýatty ári salqynqandy oıynynyń arqasynda qaqpamyz san márte aman qaldy. 22 mınýtta Vıacheslav Shvyrev tarazy basyn teńestirse, arada az ǵana ýaqyt ótkende Izraıldiń qaqpasyna 11 metrlik aıyp doby belgilendi. Alaıda Aqmal Baqtııarov múlt ketti.
Úzilisten keıin de qonaqtar ústemdikterin júrgizýge tyrysty. Biraq uzaqqa deıin olar eshnárse óndire almady. Al negizgi ýaqyttyń aıaqtalýyna jeti mınýttaı ýaqyt qalǵanda Tomer Iosefı buryshtamadan berilgen dopty torda týlatty. Nátıjesinde bul match 1:2 esebimen Izraıl quramasynyń jeńisimen aıaqtaldy.
Jarys kestesine keler bolsaq, qazirgi kezde Ispanııa men Qazaqstanda 6 upaıdan bar. Alaıda ózara kezdesýindegi jeńisiniń arqasynda Pıreneı túbeginiń túlekteri kósh bastap tur. Soltústik Makedonııa, Izraıl jáne Chernogorııada 3 upaıdan oljalasa, Ferrer araldarynyń qorjyny bos. Endi óziniń kelesi básekesin jerlesterimiz 15 qazanda syrt alańda Soltústik Makedonııaǵa qarysy ótkizedi.
