Rapıd saıysynda 50 jastan asqan erler arasynda Serikbaı Temirbaev top jarsa, ekinshi jáne úshinshi oryndardy Oleg Golovchýk pen Valerıı Mın ıelendi. Áıelder básekesinde Elena Ankýdınova aldyna jan salmady. Bul oıynshylardyń barlyǵy da – Qazaqstannan. Al kúmis medaldi Jańa Zelandııadan kelgen Helen Mıllıgan moınyna ildi
65 jastan asqan shahmatshylardyń jarysynda da barlyq júlde óz jerlesterimizge buıyrdy: Tólegen Nýkın – altyn. Marat Primbetov – kúmis jáne Hanıf Qusaıynov – qola. Al áıelder tartysy Nadejda Iskıchekovanyń jeńisimen aıaqtaldy.
Cóıtip, Azııa chempıonatynyń alǵashqy jarys kúni Qazaqstan quramasy mol oljaǵa kenelip, óz kórermenderin qýantty. Keshe klassıkalyq shahmattan básekeler bastaldy. Odan keıin blısten saıystar ótedi. Al bul dúbirli doda 18 qyrkúıekte óz máresine jetedi.
