«Qazaqstan Prezıdenti Qasym-Jomart Toqaev QHR-na Memlekettik sapary aıasyndaǵy ekinshi kúngi baǵdarlamasyna sáıkes Beıjińdegi Halyq batyrlary monýmentine gúl qoıý rásiminen bastady»,- dep jazdy Berik Ýálı.
Eske salsaq, Memleket basshysy Qasym-Jomart Toqaev Qytaı Halyq Respýblıkasyna ekikúndik memlekettik saparmen bardy. Sapardyń birinshi kúni el Prezıdenti QKP OK Saıası bıýrosynyń múshesi, QKP Syrtqy ister jónindegi basqarýshy top Kanselıarııasynyń bastyǵy Iаn Szechımen kezdesip, Qazaqstan-Qytaı Iskerlik keńesiniń 6-shy otyrysyna qatysqan edi.
Sol kúni Qasym-Jomart Toqaev QHR iskerlik orta ókilderimen kezdesti jáne Qytaı qoǵamdyq ǵylymdar akademııasynda leksııa oqydy. Dáris aıaqtalǵannan keıin Memleket basshysy Qytaıda oqyp jatqan qazaqstandyq stýdenttermen áńgimelesip, olarmen birge estelik sýretke tústi.
Sondaı-aq Qazaqstan Prezıdenti QHR Memlekettik keńesiniń Premeri Lı Kesıanmen jáne QHR Tóraǵasy Sı Szınpınmen kezdesip, kelissózder júrgizdi.
