Aımaqtar • 12 Qyrkúıek, 2019

«Oımasha» oqý polıgonynda teńiz jaıaý áskerleriniń oqý-jattyǵýlary ótti

321 ret

kórsetildi

1 mın

oqý úshin

«Batys» óńirlik qolbasshylyǵynyń «Oımasha» oqý polıgonynda tanktik, artıllerııalyq, zenıttik, ınjenerlik jáne radıasııalyq, hımııalyq, bıologııalyq qorǵaý bólimderiniń qatysýymen teńiz jaıaý áskerleriniń taktıkalyq oqý-jattyǵýlary ótti. «Batys» óńirlik qolbasshylyǵy Basqarmasynyń baspasóz qyzmeti kapıtan Rýstem Igısınov habarlady.

Gúlaıym DÁÝITBAI

«Oımasha» oqý polıgonynda teńiz jaıaý áskerleriniń oqý-jattyǵýlary ótti

Oqý-jattyǵýlarǵa 400-den astam áskerı qyzmetshiler men 100-ge jýyq áskerı tehnıka jumyldyryldy. Áskerler jaýyngerlik daıarlyqtyń joǵary deńgeıine keltirilip, oqý-jattyǵý ornyna marsh jasady. Polıgonda áskerı qyzmetshiler aýmaqty oqshaýlaý jáne qarsylasty yǵystyrý boıynsha tapsyrmalardy sátti oryndap shyqty.

«Batys» óńirlik qolbasshylyǵy áskerleri qolbasshysynyń jaýyngerlik daıarlyq jónindegi orynbasary polkovnık Jeńis Maralovtyń aıtýy boıynsha, taktıkalyq oqý-jattyǵýdyń basty maqsaty batalondyq taktıkalyq toptardyń jaýyngerlik úılesimdiligin jetildirý jáne strategııalyq obektilerdi qorǵaý men kolonnalardy ilestirý boıynsha is-qımyldardy pysyqtaý bolyp tabylady.

Oqý-jattyǵýdyń qorytyndysy boıynsha 2 teńiz jaıaý áskeri rotasynyń komandıri leıtenant Azamat Azambaı kózge tústi. Ol baǵynyshty jeke quramdy senimdi basqara bilse, sarbazdary taktıkalyq daıarlyqtyń joǵary deńgeıimen erekshelendi.

Mańǵystaý oblysy