– Investısııa tartý – memlekettik organdar jumysyndaǵy negizgi baǵyttyń biri. Árbir ınvestısııanyń artynda jańa tehnologııa, halyqtyń tabysy, jumysshylardyń biliktiligin arttyrý, óndiristiń sapasyn keńeıtý jáne jaqsartý, jańa jumys oryndaryn qurý turady. Biraq kóbinese áleýetti ınvestor naryqtyq jaǵdaı, salyq, keden jáne basqa da zańnama, jer telimderin berý tártibi, memlekettik qoldaý sharalary jáne bıznestiń damýyn anyqtaıtyn basqa da faktorlar týraly shynaıy jáne tolyq aqparatty bilmeı, kedergilerge tap bolady, – deıdi oblys ákimi Ǵ.Esqalıev. О́ńir basshysynyń aıtýynsha, búgingi tańda bul qatelikterdi túzetýge barlyq múmkindik bar.
Trenıng Qazaqstannyń batys óńirindegi tórt oblystyń memlekettik organdary men damý ınstıtýttarynyń óńiraralyq ózara is-qımyly, «jalǵyz tereze» qaǵıdaty boıynsha ınvestısııalyq qyzmetti uıymdastyrý men qoldaýdy jaqsartý maqsatynda uıymdastyrylǵan.
Qazaqstan Úkimeti barlyq aımaqtaǵy ınvestorlarǵa qoldaý jáne kómek kórsetý jónindegi arnaıy qaýly shyǵardy. Bul týraly habarlaǵan «Kazakh Invest» ulttyq kompanııasy tóraǵasynyń orynbasary Birjan Qaneshev ár oblys ortalyǵynda front-keńseler ashylatynyn aıtty. Ol keńseler «bir tereze» qaǵıdaty boıynsha ınvestorlarǵa anyqtamalyq aqparattan bastap ınvestısııalyq jobany tolyq súıemeldeýge deıin barlyq qajetti qyzmetterdi kórsetetin bolady.
– Bizde front ofıs «Smart Oral» tehnoparki bazasynda ashylmaq. Bul álemniń kez kelgen núktesimen, telefon nemese ınternet arqyly baılanysa alatyn ınvestorǵa qajetti uıymdastyrý tehnıkasy bolady. Investor jumys isteı alatyn ári qolaıly demalys aımaǵyna aınalady, – deıdi «Kazakh Invest» kompanııasynyń óńirlik dırektory Nurlan Qaıyrshın.
Batys Qazaqstan oblysy
