Aımaqtar • 13 Qyrkúıek, 2019

I jarty jyldyqta «QazMunaıGaz» kompanııalar tobynda satyp alýdaǵy jergilikti úles 78% qurady

190 ret

kórsetildi

1 mın

oqý úshin

Bul týraly Mashına qurastyrýshylar forýmynda «QazMunaıGaz» UK AQ Satyp alý jáne jabdyqtaý jónindegi basqarýshy dırektory Esen Qaırjan málimdedi. Atalǵan kórsetkish elimizdiń munaı-gaz salasyndaǵy ortasha kórsetkishten aıtarlyqtaı joǵary. Satyp alýda jergilikti úlesti arttyrýǵa QMG kompanııalar tobyndaǵy bıznes-úrdisterdi jetildirý baǵdarlamasynyń mańyzdy quramdas bóligi bolyp tabylatyn satyp alý qyzmetin sanattyq basqarý júıesin engizý septigin tıgizdi.

Gúlaıym DÁÝITBAI

I jarty jyldyqta «QazMunaıGaz» kompanııalar tobynda satyp alýdaǵy jergilikti úles 78% qurady

- Satyp alý strategııalarynyń aıasynda taýar men qyzmet kórsetýge degen QMG tobyndaǵy birneshe uıymnyń qajettiligin biriktiretin sanattyq menedjment óziniń tıimdiligin dáleldedi. Búginde osyndaı strategııalar daıyndalatyn taýar, jumys jáne qyzmettiń 67 túrinen turatyn tizim aıqyndaldy. Qazirgi ýaqytta onyń 16 sátti júzege asyrylýda, al taǵy 17 satyp alý strategııasy daıyndalý ústinde, dedi E. Qaırjan.

Forýmda «О́ndirý men burǵylaýǵa arnalǵan qubyrlar» atty sanattyq satyp alý strategııasy mysal retinde keltirildi. Onyń aıasynda QMG otandyq «KSP Steel» JShS jáne «Kaskor-Mashzavod» JShS kompanııalarymen sorapty-kompressorlyq qubyrlardy jetkizip berý týraly jalpy somasy 40 mlrd teńgeden asatyn uzaq merzimdi kelisimsharttarǵa otyrdy. Munaıdy óndirýge qajetti sorapty-kompressorlyq qubyrlar, tereńdik soraptarǵa arnalǵan baǵanalar jáne transformatorlardy QMG ótken jyly da tolyǵymen otandyq munaı-gaz jabdyqtaryn óndirýshilerden satyp alǵan bolatyn.

Aıta keteıik, otandyq óndirýshilermen áriptestik «QazMunaıGaz» ulttyq kompanııasy úshin basym baǵyttardyń biri bolyp tabylady. Jańa óndiristerdi damytý jáne qoldaý maqsatynda ımport almastyrý jóninde jergilikti keńse quryldy.

Mańǵystaý oblysy