Jıyn basynda «Batys» óńirlik qolbasshylyǵynyń áskerleri qolbasshysy, polkovnık Nurlan Aldııarov artıllerııashylardyń aldyna jeke quramnyń dalalyq mashyqtylyǵy men jaýyngerlik is-áreketterdi uıymdastyrýdaǵy biliktilikti arttyrý boıynsha naqty tapsyrmalardy qoıyp ótti.
Artıllerııalyq jıyndardyń barysynda batys aımaǵyndaǵy barlyq artıllerııalyq bólimder Mańǵystaý oblysyndaǵy «Oımasha» polıgonyna shoǵyrlandyryldy. Jeke qurammen jeke atys jattyǵýlary, normatıvterdi oryndaý boıynsha synaqtar jáne batareıalardyń taktıkalyq oqý-jattyǵýlary ótkizildi. Ofıserler atysty túzetý boıynsha erekshelikterdi qarastyryp, aımaqtaǵy klımattyq jaǵdaı men táýlik ýaqytyna qaramastan nysanalardy joıý, qondyrǵynyń atys pozısııasyn tez arada aýystyrý jáne atysty qarýdy qalypqa keltirýsiz joıý boıynsha suraqtardy jan-jaqty qarastyrdy.
Artıllerııalyq atystar «Grad» jappaı atystyn reaktıvtik júıelerinen, «Gvozdıka», «Akasııa» jáne «Tıýlpan» artıllerııalyq qondyrǵylarymen, D-30 gaýbısalary men mınomettermen júrgizildi.
«Batys» óńirlik qolbasshylyǵy áskerleri qolbasshysynyń orynbasary, polkovnık Asqar Bınazarovtyń aıtýynsha, áskerı qyzmetshiler úshin artıllerııalyq eseptoptardyń atys pozısııasynda ornalasý ýaqytynyń qysqarýy óte mańyzdy, sonymen qosa artıllerıstter úshin barlaý jáne ushqyqsyz ushý apparat bólimderimen ózara qarym-qatynasty ońtaılandyrý qazirgi zamannyń talaby bolyp tabylady.
Atys daıarlyǵynan basqa, jıyndar barysynda komandırlerdiń bólimshelerdi basqarýdaǵy kásibı sheberlikteri, bólimshe, eseptop pen ekıpaj jeke quramynyń ózara almasa bilýi jetildirildi.
Lagerlik jıyndar Qurlyq áskerleriniń barlyq óńirlik qolbasshylyqtarynda udaıy túrde ótkizilip otyrady. Bul jıyndar 15 qyrkúıek kúni aıaqtalady. Onyń qortyndysy boıynsha úzdik artıllerııalyq batareıa komandıri, mınomettik vzvod pen oq atys vzvody, sonymen qosa topogeodezıst, esepteýshi, barlaýshy-qashyqtyqty ólsheýshi jáne radıotelefonıst anyqtalady.
Mańǵystaý oblysy
