Zańbuzýshylyq oqıǵasy qyrkúıektiń 9-12 kúnderi aralyǵynda oblys aýmaǵynda ótken «Nelegal-Arna-Mıgrant» jedel-profılaktıkalyq is-sharasy kezinde bolǵan. Is-shara ótken 4 kún ishinde 445 ákimshilik quqyq buzýshylyq anyqtaldy. Onyń ishinde shetel azamattary 368 quqyq buzýshylyqqa jol bergen eken. 46 shetel azamaty Qazaqstan Respýblıkasy aýmaǵynan shyǵaryldy.
Bórli aýdany Polısııa bóliminiń Kóshi-qon polısııasy Aqsaı qalasyndaǵy dúkenderdiń birinde zańsyz sheteldik jumys kúshin paıdalaný faktisin anyqtady. Dúken ıesi elimizge tıisti qujatsyz kelgen shetel azamattaryn birneshe márte jumysqa tartyp otyrǵan. Qazir jumys berýshige qatysty Qazaqstan Respýblıkasy Qylmystyq Kodeksiniń 395-baby (Qazaqstan Respýblıkasynda sheteldik jumys kúshin tartý jáne paıdalaný qaǵıdalaryn birneshe ret buzý) boıynsha sotqa deıingi tergeý sharalary júrgizilip jatyr.
Al Qaztalov aýdandyq polısııa bóliminiń qyzmetkerleri Qazaqstan Respýblıkasy azamatynyń memlekettik shekarany zańsyz ótken oqıǵasyn anyqtady. Quqyq buzýshyǵa qatysty Qylmystyq Kodekstiń 392-baby 1-bólimine (Qazaqstan Respýblıkasynyń Memlekettik shekarasyn qasaqana zańsyz kesip ótý) sáıkes sotqa deıingi tergeý amaldary júrgizilýde.
Batys Qazaqstan
