IRNA agenttiginiń dereginshe, Ámirı áıelder stadıonǵa barýy úshin áıelderge ǵana arnalǵan oryndyqtar, kirip-shyǵatyn qaqpalar, júretin joldar, áleýmettik qyzmetter sekildi tıisti ınfraqurylym qalyptastyrylatynyn aıtty.
Jastar jáne sport mınıstriniń buıryǵymen bul rettegi jumystar eldegi negizgi stadıondarda júrgizilip jatyr.
«Áıelderdiń stadıonǵa barý quqyǵyn taptaýǵa bolmaıdy. Bul - búkil álemde fýtboldaǵy belgili quqyqtardyń biri. Bizdińshe, qoǵamnyń teń jartysyn quraıtyn áıelderdi bul quqyqtan maqurym etý durys emes», - dedi Hoseın Álı Ámirı.
Josparǵa oraı, 10 qazan kúni ırandyq áıelder Azadı stadıonyna baryp, Iran quramasynyń Kambodjamen oıynyn tamashalaı alady.
Eske sala ketsek, ırandyq áıelder byltyr da Iran-Bolıvııa matchyna barǵan. Sol oıynda ırandyqtar 2:1 esebimen jeńiske jetken edi.
