«Indýstrııa jáne ınfraqurylymdyq damý mınıstrligi Almaty oblysynyń Almaty - Otar ýchaskesiniń Aqseńgir-Shamalǵan ótkelinde 2019 jylǵy 15 qyrkúıekte 19 saǵat 08 mınýtta bolǵan jol-kólik oqıǵasy – kúzetiletin ótkelde №43 «Almaty – Qostanaı» Jolaýshylar poıyzynyń «Setra» markaly №456 «Almaty-Qaskeleń» reıstik avtobýsymen soqtyǵysýyn tergeý boıynsha arnaıy komıssııa qurdy. Komıssııa quramyna Kólik komıteti men «Qazaqstan temir joly» ulttyq kompanııasynyń ókilderi kirdi», delingen habarlamada.
Mınıstrliktiń habarlaýynsha, Komıssııa músheleri oqıǵa ornyna shyqty.
Osyǵan deıin Ishki ister mınıstrligi oqıǵaǵa baılanysty sotqa deıingi tergeý jumystary bastalǵanyn habarlaǵan edi.
