«Qarasaı aýdandyq ortalyq aýrýhananyń bazasynda Almaty aımaqtyq balalar klınıkalyq aýrýhanasy men Almaty qalalyq №1 klınıkalyq aýrýhananyń dárigerleri zardap shekken 2014 jylǵy qyz balaǵa operasııa jasady, ázirge balanyń jaǵdaıy aýyr. Al 2016 jylǵy búldirshinniń densaýlyq jaǵdaıy óte aýyr dep baǵalanyp otyr. Eki pasıent te komada, jasandy demaldyrý apparattary qosylǵan. Al analarynyń jaǵdaıy turaqty aýyr» delingen habarlamada.
Ákimdiktiń habarlaýynsha, zardap shekkenderge medısınalyq kómekti jumyldyrý úshin Almaty oblysy men Almaty qalasyndaǵy bilikti mamandar tartyldy. Olar - Almaty aımaqtyq balalar klınıkalyq aýrýhanasynyń, Almaty kópsalaly klınıkalyq aýrýhanasynyń, Almaty qalalyq № 1 klınıkalyq aýrýhanasynyń balalar jáne úlkender neırohırýrgtary, travmatologtary men reanımatologtary. Zardap shekkenderge barlyq qajetti medısınalyq kómek kórsetilýde.
«Jaǵdaı oblys ákiminiń jeke baqylaýyna alynǵan, pasıentter jaǵdaıy týraly saǵat saıyn habarlanyp otyrady» delingen habarlamada.
