Qoǵam • 16 Qyrkúıek, 2019

Almaty oblysyndaǵy apatta zardap shekkenderge medısınalyq, áleýmettik kómek kórsetiledi - R. Sklıar

34 ret kórsetildi

Almaty oblysynda oryn alǵan keshegi jol kólik oqıǵasynyń mán-jaıyn Ishki ister mınıstri Erlan Turǵymbaev jáne Indýstrııa jáne ınfraqurylymdyq damý mınıstri Roman Sklıar Ortalyq kommýnıkasııalar qyzmetindegi brıfıngte aıtyp berdi.

Keshe keshki saǵat jetiler shamasynda «Almaty-Qostanaı» baǵytymen shyqqan №43 poezy «Almaty-Qaskelen» baǵytyndaǵy №456 avtobýsqa soǵysyp, apat sońy avtobýs júrgizýshisi qaıtys bolyp, 3 jolaýshy zardap shekken. Oqıǵanyń mán-jaıyna toqtalǵan Roman Sklıardyń aıtýynsha poezd 2434 metr qashyqtyqta kele jatqanda-aq, avtomatty túrde dabyl belgileri qosylǵan. Baǵdarshamnyń qyzyl túsi janyp, temirjol ótkeliniń tosqaýy tolyqtaı jabylmaǵan. Sebebi, jol boıyndaǵy kólik keptelisten avtobýs temir joldyń ústine shyǵyp ketken.

Roman Sklıar: «Poezd mashınısiniń kólikti erte toqtatý áreketi bolǵanymen, iske aspaǵan. Saǵatyna 97 km jyldamdyqpen kele jatqan. Al poezd ishinde zardap shekkender joq. Búgingi tańda em qabyldap jatqan barsha zardap shekkenderge medısınalyq, áleýmettik kómek kórsetiledi», - dedi.

Al Ishki ister mınıstri Erlan Turǵymbaevtyń aıtýynsha, mundaı jaǵdaılar júrgizýshilerdiń erejeni saqtamaýynan jıi oryn alady eken. Naqty keshegi oqıǵaǵa qatysty tergeý amaldary júrgizilip, jaýapty adamdarǵa tıisti jaza qoldanylady dedi.

Búginde elimizde, temir jol men avto joldar 1058 jerde toǵysqan. Onyń 467-si kúzetiledi. Ár toǵysqan orynda dabyl belgileri ornatylyp, temirjol ótkeliniń tosqaýlary jańa qondyrǵylarmen jabdyqtalǵan.

Sońǵy jańalyqtar

Aqyly joldaǵy ahýal qandaı?

Aımaqtar • Keshe

Buǵybulaý

Qazaqstan • Keshe

Júze bilý – ómir

Qoǵam • Keshe

О́lketanýshy

Qazaqstan • Keshe

Kebenek

Tarıh • Keshe

Sáýkele

О́ner • Keshe

Uqsas jańalyqtar