Joba Aqtaý qalasynyń erekshe qajettiligi bar turǵyndaryna qoljetimdi orta jasaýǵa baǵyttalǵan. Jalpy Aqtaý qalasynda 200-den astam kolıaskamen júretin turǵyndar turady, sonymen qatar balanyń kolıaskasymen júretin ata-analar qanshama. Alaıda qalanyń nysandarynyń pandýstary men teppeleriniń tolyǵymen standarttarǵa saı bolmaýy olardyń kúndelikti ómirin tek úıde ótkizýine ákelip soqtyryp otyr.
Damyǵan qoǵamda osyndaı erekshe balalar men úlkender kez-kelgen jerge ózderi baryp, sportpen aınalysyp, kúndelikti ómirin jaı ǵana turǵyndar sııaqty esh qıyndyqsyz ótkizedi.
Joba aıasynda áleýmettik vıderolık jasap, bılbord ilip, qoǵam nazaryn atalǵan problemaǵa aýdarý úshin sharalar uıymdastyrady. Sonymen qatar «Men barmyn!» áleýmettik jelidegi posttar baıqaýy ótedi. Baıqaýda kolıaskadaǵy múmkindigi shekteýli turǵyndar men balaly analar durys jasalmaǵan nemese múldem pandýs joq jerlerde sýretke túsip, áleýmettik jelide jarııalaıdy. Baıqaý nátıjesinde barlyq qatysýshylarǵa keremet syılyqar tabys etiledi. Baıqaýda anyqtalǵan 10 nysannyń pandýsy jóndeledi. Al 5 pandýsty nysandardyń ıeleri jasaýyn qoǵam talap etedi. Sonymen qatar «О́rkenıetti keleshek» qoǵamdyq qorynyń ashqan «Perishte» ortalyǵynda Aqtaý qalasynyń múmkindigi shekteýli 20-25 turǵynyna ońaltý sharalary, ıoga, emdik fızkýltýra, bıoakkýstıkalyq apparatpen kýrstar, aǵylshyn tili, qolóner sabaqtary júrgiziledi.
Mańǵystaý oblysy
