Oqý jıyndardyń barysynda áskerı qyzmetshiler jeke jáne top quramynda tapsyrmalardy oryndaý, júzý tehnıkasyn jaqsartý, sý betindegi jaýyngerlik daıarlyqty jetildirý jáne arnaıy tehnıka men qarý-jaraqtardy qoldaný kezindegi mashyqtylyqtaryn arttyrdy.
Praktıkalyq sabaqtar Atyraý qalasynyń mańyndaǵy Jaıyq ózeni boıynda ótkizildi. Atalmysh jıyndardyń basty basymdylyqtary retinde «Rotan» úrmeli qaıyǵyn qoldaný, toptyń qarsylas tylyna shyǵý jáne sý arnasy arqyly obektilerge dıversııa jasaý suraqtary belgilendi.
«Batys» óńirlik qolbasshylyǵy áskerleri qolbasshysynyń jaýyngerlik daıarlyq jónindegi orynbasary polkovnık Jeńis Maralovtyń aıtýynsha, Qazaqstan Respýblıkasy Qarýly Kúshteriniń arnaıy maqsattaǵy áskerı qyzmetshileri tıisti qarý-jaraq pen qural-saımandaryn sýda jáne sý astynda qoldaný, tótenshe jaǵdaılarda áreket jasaý jáne súńgý jumystarynyń negizin mindetti túrde bilýleri qajet ekendigin aıtyp ótti.
Jeńil súńgýir daıarlyǵy boıynsha lagerlik jıyndar barysynda teorııalyq jáne praktıkalyq bólikter qarastyrylǵan, al osy jıyndardyń nuqsaýshylary men jetekshileri Áskerı-teńiz Kúshteriniń bazasynda udaıy túrde bilimderi men tájirıbelerin jetildirip otyrady. Jýyrda, «áskerı júzgishter» Arys ózeninen 40-qa jýyq oq-dárilerdi alyp shyqqan bolatyn.
