Kezdesý barysynda taraptar Qazaqstan men Saýd Arabııasy qarym-qatynastarynyń qazirgi deńgeıin talqylap, mádenı-gýmanıtarlyq jáne saýda-ekonomıkalyq baılanystarynyń keńeıtý joldary boıynsha pikir almasty.
Qazaqstandyq dıplomat Qazaqstannyń Koroldikpen saıası, saýda-ınvestısııalyq yntymaqtastyǵyn odan ári tyǵyz nyǵaıtýǵa múddeliligin qýattady. Osy turǵyda ol Jıdda men Mekke saýda-ónerkásip palatalarynyń kóp jyldyq tájirıbesin nazarǵa ala otyryp, eki el isker toptarynyń tikeleı baılanys ornatýlaryn jan-jaqty yntalandyrý mańyzdylyǵyn atap ótti.
Elshi SAK Úkimetine jáne Mekke provınsııasynyń basshylyǵyna, hanzada Haled Ál-Feısaldyń jeke ózine Qazaqstan azamattarynyń Ýmra men Qajylyq jasaýlary barysynda kórsetilgen kómegi úshin alǵysyn bildirdi. 2019 jylǵy qajylyq maýsymynyń joǵary deńgeıde uıymdastyrylǵanyn ataı otyryp, qasıetti Saýd Arabııasyna elimizden ústimizdegi jyly 3200 qajynyń kelgendigi jetkizildi.
Sonymen qatar, B.Aryn hanzada Haled ben Ál-Feısaldy Qazaqstannyń Tuńǵysh Prezıdenti – Elbasy Nursultan Nazarbaevtyń merziminen buryn bılikten ketýi týraly qabyldaǵan tarıhı sheshiminen keıin elimizdiń ishki ómirinde oryn alyp jatqan mańyzdy oqıǵalarmen tanystyrdy.
Bıik Mártebeli hanzada Haled Ál-Feısal musylman elderiniń ishinde aldyńǵy qatarly el retinde sanalatyn Qazaqstanmen jan-jaqty yntymaqtastyqty damytýǵa Saýd Arabııasynyń daıyndyǵyna sendirdi. Sondaı-aq ol Qazaqstannan jáne basqa da elderden keletin qajylarǵa qolaıly jaǵdaılar jasap kómek kórsetý Koroldiktiń qurmetti ári mártebeli paryzy ekendigin málim etti.
Mekke provınsııasy Saýd Arabııasynyń batys bóliginde ornalasqan jáne Koroldiktiń halqy sany jaǵynan eń úlken ákimshilik ortalyǵy bolyp sanalady (halqynyń sany 8,3 mln, terrıtorııasy 153 128 sharshy metr). Provınsııaǵa 12 ákimshilik ortalyq (gýbernııa) kiredi, onyń ishinde eldiń iri ekonomıkalyq ortalyǵy bolyp tabylatyn Qyzyl teńizdiń jaǵasynda ornalasqan Djıdda qalasy bar.
