«Oǵyzhan» saraıynda ótken kezdesý barysynda Túrikmenstan basshysy baýyrlas elder arasynda qalyptasqan dostyq qarym-qatynastar men ózara senim ahýalyn, sondaı-aq óńirlik jáne jahandyq kún tártibindegi negizgi máseleler boıynsha eki memlekettiń yntymaqtastyǵyn atap ótti. Bul rette, ol Qazaqstannyń Tuńǵysh Prezıdenti – Elbasy Nursultan Nazarbaevtyń ekijaqty qarym-qatynastardyń qalyptasýyna jáne Qazaqstan-Túrikmen strategııalyq seriktestiginiń damýyna qosqan zor úlesine erekshe nazar aýdardy.
Taraptar saıası-dıplomatııalyq dıalog, saýda-ekonomıkalyq yntymaqtastyq, eki el arasyndaǵy ǵylymı-tehnıkalyq pen mádenı-gýmanıtarlyq ózara árekettestikti damytýdy qosa alǵanda, birqatar ózekti máselelerdi talqylady.
Kezdesý sońynda G.Berdimuhamedov Elbasy N.Nazarbaev jáne Qazaqstan Prezıdenti Q.Toqaevqa júrek tilegin jetkizip, Elshige Qazaqstan-Túrikmen yntymaqtastyǵyn nyǵaıtý úshin tabysty jáne jemisti jumys tiledi.
Sol kúni qazaqstandyq Elshi senim gramotalarynyń kóshirmelerin tabystaý úshin Túrikmenstannyń Mınıstrler kabıneti tóraǵasynyń orynbasary – Syrtqy ister mınıstri Rashıd Meredovpen kezdesti.
