Q. О́skenbaev atap ótkendeı, qazirgi kezde memleket muqtaj adamdardyń barlyǵyn baspanamen qamtamasyz etý úshin túrli sharalar qabyldaýda.
2017 jyldan beri «Nurly jer» memlekettik turǵyn úı qurylysy baǵdarlamasy iske asyrylýda. Baǵdarlamanyń negizgi maqsaty - kelesi bes negizgi mindet arqyly azamattar úshin turǵyn úıdiń qoljetimdiligin arttyrý:
- satyp alýsyz jalǵa beriletin turǵyn úı salý;
- kredıttik turǵyn úı salý;
- jeke turǵyn úı qurylysyn damytý;
- jeke qurylys salýshylardy turǵyn úı salýǵa yntalandyrý;
- kvazımemlekettik sektor sýbektilerin tartý arqyly turǵyn úı salý.
«Nurly jer» baǵdarlamasy boıynsha jyl saıyn 1 mln sharshy metrge artyq turǵyn úı salynady. Eger ótken jyly 12 mln sharshy metrden asa turǵyn úı salynǵan bolsa, bıyl 13 mln sh.m. astam jańa turǵyn úı nemese 120 myńǵa jýyq baspana salýdy josparlap otyrmyz», — dedi Q. О́skenbaev.
2018 jyly turǵyn úı baǵdarlamasyn iske asyrýdy kúsheıtý maqsatynda Ulttyq bank turǵyn úıdi nesıelendirýdiń «7-20-25» ıpotekalyq baǵdarlamasyn iske qosty, onyń aıasynda aldaǵy 5 jyly 103 myńǵa jýyq azamat baspanaǵa ıe bola alady.
2030 jylǵa qaraı halyqty turǵyn úımen qamtamasyz etilýin 30 sh. m. deıin arttyrý úshin jańa turǵyn úıdi paıdalanýǵa berý kóleminiń 8%-ǵa jyl saıynǵy ósimi josparlanǵan. Osy jyldyń 8 aıynda barlyq qarjylandyrý kózderinen 7,6 mln sh.m. turǵyn úı nemese 65 myń páter salyndy.
Sonymen qatar Q. О́skenbaev turǵyn úı qurylysyna ınvestısııalar kóleminiń 19%-ǵa artqanyn aıtty.
Sóz sońynda QR ındýstrııa jáne ınfraqurylymdyq damý birinshi vıse-mınıstri «Nurly jer» memlekettik baǵdarlamasynyń elimizdi iske asyrylyp jatqan eń tıimdi baǵdarlamalardyń biri ekenin jetkizdi. QR IIDM baǵdarlama aýqymyn keńeıtý úshin ony ári qaraı damytý jumystaryn júrgizip jatyr.
