Júzdesýshiler Qazaqstan men Qytaı qatynastarynyń nátıjeli damýyna rızashylyqtaryn bildirdi. Lı Chjanshýdyń pikirinshe, Ult kóshbasshysy N.Á.Nazarbaev pen Qytaıdyń joǵary basshylyǵy arasyndaǵy senimdi dıalog ózara tabysty is-qımyldy damytýda mańyzdy ról atqaryp keledi. Ol Tuńǵysh Prezıdenttiń basshylyǵymen Qazaqstannyń áleýmettik-ekonomıkalyq damýda zor jetistikterge jetkenin jáne elimizdiń halyqaralyq arenadaǵy bedeliniń arta túskenin atap ótti. «Búginde bizdiń qarym-qatynasymyz bıik yntymaqtastyq deńgeıine jetti jáne kórshi memleketterge úlgi bolyp tabylady», - dedi QHR HО́BJ Turaqty komıtetiniń tóraǵasy.
Senat basshysy Qazaqstan Prezıdenti Q.Toqaevtyń bıylǵy qyrkúıek aıyndaǵy Qytaıǵa memlekettik saparynyń mańyzyn atap óte kelip: «Sapar barysynda qol qoıylǵan Qazaqstan Respýblıkasy men Qytaı Halyq Respýblıkasynyń birlesken deklarasııasy Qazaqstan men Qytaıdyń ózara is-qımylynyń jańa dáýiriniń bastalýyna negiz boldy», - dedi.
О́zara tıimdi yntymaqtastyqtyń keleshegi týraly aıta kelip, taraptar ózara parlamentaralyq is-qımyldy jandandyrýǵa, kedeılikpen jáne kıber qylmyspen kúres, ınnovasııa, ekologııa, aýyl sharýashylyǵy jáne taǵy basqa salalarda tájirıbe almasýǵa kelisti.
HО́BJ Turaqty komıtetiniń tóraǵasy Lı Chjanshý Senat basshysyn QHR-ǵa saparmen kelýge shaqyrdy.
Taraptar sondaı-aq halyqaralyq kún tártibindegi ózekti máselelerdi, saýda-ekonomıkalyq jáne mádenı-gýmanıtarlyq yntymaqtastyqty nyǵaıtýdyń keleshegin talqylady.
«Qytaıdaǵy jańarýlar men jańǵyrýlar jyldamdyqtary zor áser qaldyrady. Bolashaqqa qadam basqan Qytaıdyń azamattary eńbekqorlyǵyn pash etip otyr. Eki eldiń týrıstik áleýetin damytý, bir-birin jaqsy bilý úshin jastar týrızmin yntalandyrý kerek», - dedi Senat basshysy.
Darıǵa Nazarbaeva Qytaı delegasııasyna Senat ǵımaratyn tanystyryp, zańdar qabyldanatyn joǵary zań shyǵarý organy qalaı jumys isteıtinin aıtty.
