Olga Rypakova: Etnosaralyq tatýlyq – el tutastyǵynyń kepili

Memleket basshysy qoǵam­dyq kelisimdi nyǵaıtý qajettigin aıta kele: «Áleýmettik jáne etnos­tyq toptar arasyndaǵy kelisim – búkil qoǵamnyń birles­ken eńbeginiń nátıjesi. Osyǵan oraı saıası úrdisterdi saralap, birligimizdi nyǵaıta túsý úshin naqty sharalar qabyldaý kerek. Qazaq halqynyń memleket quraýshy ult retindegi rólin bekemdep, etnosaralyq tatýlyq pen dinaralyq túsinistikti qa­lyp­tastyra berýimiz qajet. Bizdiń ustanymymyz: «El birligi – onyń áralýandyǵynda!». Eli­mizdegi etnostyq toptardyń tili men mádenıetin damytýǵa jaǵdaı jasaı beremiz» dedi. Qasym-Jomart Kemeluly osy sózi arqyly Tuńǵysh Prezı­dent – Elbasy Nursultan Nazarbaev negizin salǵan elimiz­degi etnosaralyq tatýlyqty odan ári nyǵaıtýǵa nıetti eken­­digin ańǵartty. Bul rette baı­taq Otanymyzdy meken etken ózge ult ókilderi de jaýap­ker­shi­lik júgin sezinip, el bir­ligi jolyn­daǵy ortaq iske óz úles­terin qosady dep oılaımyn.

О́zim sport salasynda júr­gendikten Prezıdenttiń sportty, onyń ishinde buqaralyq sportty damytýǵa qatysty aıtqandaryna aıryqsha nazar aýdardym. «Sport ınfra­qurylymynyń balalar úshin barynsha qoljetimdi bolýyn qamtamasyz etý kerek» dedi Memleket basshysy. Rasynda, bala  – bizdiń bolashaǵymyz. Balany sportqa kishkene kezinen baý­lyǵan durys. Bul rette ózim turatyn О́skemen qalasynda bala­lar úshin de, eresekter úshin de sportpen, onyń ishinde buqara­lyq sportpen aınalysýǵa tıis­ti jaǵdaı jasalyp otyr. Qala­myzda jaqynda ǵana «Samal» atty saıabaq ashyldy. Munda da sport­tyq qurylǵylar kóptep orna­tylǵan. Joldaý aıasynda al­da­ǵy ýaqytta elimizde, oblysy­myz­da buqaralyq sport odan ári qa­rysh­­tap damıtynyna senim mol. 

Olga RYPAKOVA,

Olımpıada chempıony

О́SKEMEN