Eń aldymen elimizdiń táýelsizdik tájin kıgennen bergi tórtkúl dúnıeni tegis tamsantqan ósý-órkendeý jolyn atap aıtpasqa bolmaıdy. Bul rette Qazaqstannyń Tuńǵysh Prezıdenti – Elbasy Nursultan Nazarbaevtyń kemeńger de kóregen saıasatyna tántimiz. Alǵashqy jyldardan bastap birtutas Qazaq eli álemdegi bedeldi ári ornyqty memleketke aınaldy. Judyryqtaı jumylǵan tutastyǵymyzdyń arqasynda elimizdiń áleýmettik-turmystyq jaǵdaıy jaqsaryp, bolashaqtyń joly baıandy bola tústi. Eń bastysy, beıbit elimizdiń damý joly barsha álem jurtshylyǵynyń nazaryna ilikti.
Qazaq elin mekendeıtin júzdegen etnostardyń arasyndaǵy qarym-qatynastyń dáneker jibi burynǵydan beter nyǵaıa tústi.
Máselen, bizdiń Kókshetaý men Qaraótkel óńirin mekendeıtin at tóbelindeı ǵana chývash etnosynyń ókilderi el egemendigin alǵansha birin-biri týys tutyp, aǵaıyn sanap izdeı qoıǵan joq edi. Egemendik bizge eń aldymen óz ultymyzdy, onyń tarıhyn, búgingi bolmysyn tanyp-bilýge, erteńgi keleshegine senimmen qaraýǵa, nyq basyp, alǵa umtylýǵa múmkindik berdi. Jasyratyny joq, buryn orys tilinde sóılep, orys tilinde oılap kelgen bolatynbyz. О́zimizdiń chývash ekenimizdi bilsek te, tilimizdi, dilimizdi umyttyq. Elimizdiń egemendik alýy bizdiń chývash ulty úshin ulttyq bolmysymyzdy ózimizge qaıtarǵandyǵymen qymbat. Táýelsizdiktiń bizge bergen bir syıy sol.
Qazir Kókshetaý qalasynda chývash mádenı ortalyǵy óz ana tilin oqytý jumystaryn jandandyryp otyr. Jalǵyz óz tilimizdi ǵana emes, qazaq tilin de oqyp úırenýdemiz. Aldaǵy ýaqytta latyn grafıkasyna kóshetin bolǵandyqtan, bizdiń ortalyq oqyp úırený jumystarynyń basty bir baǵytyn osy máselege buryp otyr. Tildi úırený arqyly biz jergilikti ulttyń san ǵasyr boıy ózimen birge jasasyp kele jatqan ádemi ádet-ǵurpyn, salt-dástúrin úırenýge umtylýdamyz. Oblysta ótetin sharalardan syrt qalmaımyz. Bizdiń chývashtyń qyz-kelinshekterin qazaqtyń qol óneri keremet qyzyqtyrady. Shyntýaıtyna kelgende, arǵy tamyrymyz bir bolǵandyqtan, qolónerimizde de, as mázirin daıyndaýda da, jalpy, turmys-saltymyzda kóptegen uqsastyq bar. О́ıtkeni biz ata saltynyń túbi bir aǵaıyn elmiz.
Joldaýda el Prezıdenti áleýmettik jáne etnostyq toptar arasyndaǵy kelisim búkil qoǵamnyń birlesken eńbeginiń nátıjesi dep óte durys aıtty. Uly dostyq úlken toptyń, úlken júrekti adamdardyń ǵana qolynan keledi. Aldaǵy ýaqytta bizdiń chývash ortalyǵy el birligin nyǵaıta túsý úshin qyzmet etetin bolady.
Elena MAShINSKAIа,
Aqmola oblystyq máslıhatynyń depýtaty, Chývash mádenı ortalyǵynyń jetekshisi
