«Eń aldymen, Qazaqstanymyzdyń tóri, Qazaq eliniń elordasy - Nur-Sultan qalasyna qosh keldińizder! Sonymen birge búkil Eýrazııa elderiniń Parlamentteri úshin mańyzy zor erekshe jıynǵa qatysyp otyrǵandaryńyzǵa shyn júrekten alǵys bildirýge ruqsat etińizder. Búgingi forým zań shyǵarýshy organdar arasynda jan-jaqty dıalog ornatýǵa, ózara senimdi nyǵaıtýǵa, parlamentaralyq yntymaqtastyqty odan ary kúsheıtýge keń jola ashady dep senemiz», dedi Parlament Májilisiniń tóraǵasy Nurlan Nyǵmatýlın.
Forýmǵa 60-tan astam eldiń parlamenttik delegasııalary men 16 halyqaralyq uıym ókilderi qatysýda.
Aıta keteıik, Eýrazııalyq memleketterdiń zańnamalyq organdary basshylarymen jan-jaqty dıalog ornatý maqsatynda uıymdastyrylyp jatqan forým bıyl Qazaqstanda birinshi ret ótip jatyr. Buǵan deıin Eýrazııa elderi parlamentteri tóraǵalarynyń keńesi Reseıde, Ońtústik Koreıada jáne Túrkııa Respýblıkasynda ótken edi.
Qatysýshylar qatarynda EQYU men UQShU parlamenttik assambleıalary, Parlamentaralyq odaq, Azııa parlamenttik assambleıasy, Halyqtyń qonystanýy jáne damýy jónindegi parlamentarıılerdiń Azııalyq forýmy, Eýropalyq parlament, Azııadaǵy ózara is-qımyl jáne senim sharalary keńesi, Islam yntymaqtastyq uıymy parlamenttik odaǵy, TMD PAA, ShYU syndy uıymdar bar.
