Chempıondy Mańǵystaý oblysynyń ákimi S.Trumov bastaǵan el azamattary, dostary men týystary, sondaı-aq jankúıerleri shashýmen, zor qoshametpen qýana qarsy aldy.
Kezdesýde aımaq basshysy S.Trumov dúnıejúzine óziniń myqtylyǵyn dáleldegen bylǵary qolǵap sheberi Bekzat Nurdáýletovke barlyq mańǵystaýlyqtardyń atynan alǵys aıtyp, shyn júrekten jeńisimen quttyqtady. Bekzat Nurdáýletov qarsy alýǵa kelgen barlyq jankúıerler men óńir basshysyna rızashylyǵyn bildirip, bul Jeńisti – barlyq qazaqstandyqtarǵa tartý etetindigin jetkizdi.
Buǵan deıin de birneshe dodalardyń júldesin ıelengen 21 jastaǵy jas boksshy ózine qoldaý kórsetken otandastaryna, jerlesterine, sonymen qatar aıqasqa daıyndap, taktıkalyq aqyl-keńesterin bergen jattyqtyrýshysy Qazaqstannyń eńbek sińirgen bapkeri M.Jakıevke alǵysyn jetkizdi.
Álem chempıonatynda qolǵa túıistirgen qarsylastarynyń osal bolmaǵandyǵyn aıtqan ol, 2020 jyly Tokıo qalasynda ótetin Olımpıada oıyndaryna daıyndalý kerektigin jetkizdi.
Mańǵystaý oblysy
