Joba uıymdastyrýshylarynyń pikirinshe, GoSauda servısiniń ereksheligi ınternet-dúken jáne elektrondyq habarlandyrý taqtasyn bir alańda biriktirip otyrǵandyǵynda jatyr.
«Habarlandyrý taqtasy men ınternet-dúkendi biriktirý ıdeıasy bizdiń naryqqa jetispeı otyr. Jeke-jeke jumys jasaıtyn qosymshalar men platformalar óte kóp. Al búkil qajettiniń bárin bir jerde biriktiretin ámbebap platforma joq. Sondyqtan biz osy alańda izashar bolyp otyrmyz», dep atap ótti «International Mentors Group» JShS kompanııalary bas dırektory Aıbek Jartybaev.
Saıt jeke tulǵalarǵa da, bıznes ókilderine de taýarlar men qyzmetterdi onlaın arqyly satýǵa jáne satyp alýǵa múmkindik beredi. Gosauda Push-habarlama arqyly satýshy men satyp alýshyny tikeleı eshqandaı deldalsyz baılanystyrady.
Servıs qoldanýshylary aldyn ala mobıldik telefony arqyly tirkelý nemese Facebook-tegi akkaýntyna kirý arqyly óz habarlandyrýlaryn jarııalaı alady. Tirkeý kezinde elektrondyq poshtanyń aty, logıni men qupııasózi, sondaı-aq, mobıldik telefon kórsetiledi. Zańdy tulǵalar kompanııa shynymen de kásipkerlik qyzmetpen aınalysatyn-aınalyspaıtyndyǵyn anyqtaý úshin servıstiń ishki tekserýinen ótýi kerek.
Osydan keıin zańdy tulǵalar óz kompanııasynyń bıznes-paraqshasyn ashyp, ony toltyrý arqyly GoSauda platformasynda óz ınternet-dúkenin asha alady. Bul paraqshada kompanııa ataýy, logotıpi, banneri, baılanys aqparaty, kompanııanyń sıpattamasy (qyzmet túri, kásiporyn úlgisi) jáne taýarlar men qyzmetterdiń assortımenti kórsetiledi. Sondaı-aq, platformada birqatar aqyly servıster de qarastyrylǵan.
Habarlandyrýlar «Sán jáne stıl», «Balalar álemi», «Kólik», «Elektronıka», «Jyljymaıtyn múlik», «Úıge jáne keńsege arnalǵan zattar», «Qyzmetter», «Hobbı, demalý jáne sport», «Jumys», «Janýarlar», «Sulýlyq pen densaýlyq», «Azyq-túlik ónimderi» syndy 12 sanat boıynsha jikteledi. О́z kezeginde sanattar 160-qa jýyq sanatshalardan turady.
Qazirgi tańda servıs orys jáne qazaq tilderinde qoljetimdi, taıaý keleshekte aǵylshyn tilindegi nusqasy paıda bolady. Veb-saıtqa qosa, Gosauda-nyń iOS jáne Android platformalaryna arnalǵan qosymshalary jasap shyǵaryldy. «Bizdiń basty mindetimiz – qajetti zattardy taýyp, saýdaǵa qoıyp, kompanııalarǵa jazylyp, olardyń habarlamalaryn qadaǵalap otyrýǵa múmkindik beretin ońaı mobıldik qosymshany naryqqa usyný jáne qoldanýshynyń jasyna qaramastan birden túsinikti bolatyn dızaında ony jasap shyǵarý», dep atap ótti Gosauda jobasynyń jetekshisi Aıbol Bısenqul.
