2019 jylǵy 2 qyrkúıekte Qazaqstan Prezıdenti Qasym-Jomart Toqaev óz halqynyń aldynda mańyzdy Joldaýyn jarııalady. Bul – Qazaqstannyń ulttyq damýyn tutastaı qamtıtyn Jol kartasy. Joldaýda el halqynyń ómirin jaqsartýǵa jáne olardy bolashaqqa baǵyttaýǵa basa nazar aýdarýy qazaqstandyqtardy rýhtandyrdy.
Salyq júıesin jandandyrý, ulttyq tabysty neǵurlym ádil bólý jáne barlyq azamattardy tıisti áleýmettik baǵdarlamalarmen qamtamasyz etý Qazaqstanǵa ıgilikti qoǵam qurýǵa múmkindik beredi. Bul degenimiz – mańdaıaldy mindet – ulttyq birlikke jetý. Qazaqstan azamattary qazaq ultynyń ıgiligi úshin qyzmet atqara berýi tıis.
Memleket basshysynyń ınfraqurylymdyq damýǵa, zańnamalyq jáne baǵdarlamalyq qamtamasyz etýge barynsha nazar aýdarýy kóńilge jaqsy áser etti. Bul onyń el ekonomıkasyn nyǵaıtý jáne bolashaqqa daıyn bolý úshin ne isteý kerektigin tolyq túsinetindigin kórsetedi. Álemdik ekonomıka jańa daǵdylar men tehnologııalarǵa negizdelgen. Innovasııalyq jáne tehnıkalyq múmkindikter sheshýshi ról atqarady. Prezıdent Q.Toqaev Elbasy N.Nazarbaevtyń kóshbasshylyǵymen Qazaqstannyń qol jetkizgen jetistikterine súıenedi.
Prezıdent Q.Toqaev eldi HHI ǵasyrdyń syn-qaterlerine qarsy turýdyń uzaqmerzimdi josparyn júzege asyrýǵa kiristi. Memleket ishinde ne isteý kerektigin anyqtaı otyryp, Prezıdent Qazaqstannyń syrtqy saıasattaǵy rólin de eskeredi. Ol qajetti progreske jetý úshin tamasha syrtqy qatynastardyń qajettiligin atap ótti. Ol eldiń tikeleı sheteldik ınvestısııalarǵa (TShI) jáne onyń eksportyna, halyqaralyq naryqqa kóbirek qol jetkizý qajettigin jaqsy túsinedi. Prezıdent Qazaqstan syrtqy saıasatynyń eldiń bolashaqqa daıyndyǵyn kúsheıtetin reformalar aıasynda jalǵasatynyna kóńil bóldi.
Ong Keng IONG,
Sıngapýrdyń Nanıang tehnologııalyq ýnıversıteti janyndaǵy S.Radjaratnam (RSIS) atyndaǵy halyqaralyq zertteýler mektebi tóraǵasynyń atqarýshy orynbasary, Qorǵanys jáne strategııalyq zertteýler ınstıtýtynyń dırektory
