Sáýleti talapqa saı bolýy kerek

Áýeli Shymkenttiń jańa qa­la­­shyǵyna aınalǵan ákimshilik isker­lik ortalyǵyndaǵy turǵyn úı­­lerdiń qurylys alańyn ara­laǵan shahar basshysy merdiger mekemeniń basshysyna jumysty jandandyryp, nysandy mer­zi­minde aıaqtaý qajettigin aıtty. Son­­daı-aq jaýapty sala basshylaryna ınfraqurylym máselesin tez ári ońtaıly sheshýdi tapsyrdy.

Odan soń S.Báıterekov kóshe­sinde ornalasqan «Tamerlan Residence» turǵyn úı kesheniniń qury­lysyna bardy. Atalǵan ny­sandy «BI Group» JShS qury­lysty kelesi jyldyń tamyz aıyn­­da aıaqtaýdy josparlap otyr. Munda 16 jáne 12 qabatty 7 tur­ǵyn úı boı kóteretin bolady.

Budan ári qala ákimi «Aq­jaıyq» jáne «Kókjaılaý» tur­ǵyn úı keshenderiniń quryly­syn kórdi. Nysandardy salyp jat­qan merdiger mekemelerdiń ókil­derimen kezdesý barysynda turǵyn úılerdiń qasbetine basa kóńil aýdaryp, qalanyń kórkin ashatyndaı etip salý aıtyldy.

О́z kezeginde «Turan» yqsham aýda­nyndaǵy 1200 oryndyq mek­teptiń qurylysyna barǵan qala basshysy mundaǵy sheshilmeı jat­qan túıtkildi kommýnaldyq máselelermen qatar, balalardyń bilim alýyna qolaıly jaǵdaı jasalýy kerektigin qadap aıtty.

Sonymen qatar E.Aıtahanov atalǵan turǵyn úılerdiń qury­lysyn júrgizip jatqan barlyq merdigerlerge birneshe syn-es­kertpeler jasady. «Mundaı tur­ǵyn úılerdi salarda eń aldymen ınfraqurylym máselesin sheshken jón. Sondaı-aq múmkindigi shek­teýli jandarǵa arnalǵan pan­dýstar bolýy shart. Salynyp jatqan turǵyn úılerdiń qasbeti zaman talaptaryna saı ári ásem bolýy kerek. Shymkent – megapolıs qala. Demek, biz jańasha oılap, qalamyzdyń kórkeıýine barshamyz at salysýymyz qajet», dedi Erlan Qýanyshuly.

Qazirgi tańda qalada memle­kettik baǵdarlama arqyly saly­nyp jatqan turǵyn úılerdiń qu­rylysy aıaqtalýǵa jaqyn. Naq­tyraq aıtar bolsaq, «Nurly jer» baǵdarlamasy aıasynda 26 turǵyn úı paıdalanýǵa beriledi. Bul úılerdi «7-20-25» baǵdarlamasy arqyly da alýǵa bolady. Jyl sońynda lentasy qıylatyn 26 tur­ǵyn úıde barlyǵy 1164 páter ornalasqan.

Shymkent qalasynyń Qu­ry­lys basqarmasy taratqan máli­metke súıensek, atalǵan tur­ǵyn úı­lerdi salý úshin baǵdar­­lamanyń operatory – «Baspana» AQ-nan 10 mlrd teńge jáne jeke ınves­torlardan 2,7 mlrd teńge bólingen. Qazirgi tańda turǵyn úılerdiń qurylysy qarqyndy júrgizilip jatyr.

«Jyl sońyna deıin, dáliregi jel­toqsan aıynda nysandar paı­­dalanýǵa beriledi dep jos­parlanyp otyr. Jeke ınves­torlar ózderiniń qurylysqa quı­­­ǵan qarjysynyń úlestik páterin alady. Sóıtip, habarlandyrý berip ekinshi deńgeıli bankter arqyly ony «7-20-25» baǵdarlamasymen ótkizedi. «Baspana» AQ-nyń úlesindegi páterler de sol baǵdarlamamen úlestiriledi. Biraq munda turǵyn úı kezeginde turǵandarǵa, kóp ba­laly otbasylarǵa basymdyq beriledi», deıdi «Shymkent» ÁKK» AQ basshysy Ábilseıit Rabaev.

«Shymkent» ÁKK» AQ-men «7-20-25» baǵdarlamasy aıasynda júr­gizilip jatqan turǵyn úıler­diń jalpy aýdany 73 myń sharshy metrden asady.

Bul turǵyn úıler qaıda salynyp jatqanyna toqtalsaq. Baǵdarlama aıasynda qurylysy júrgizilip jatqan úıler 2 kezeńge bólingen. 1-kezeńde» Turan» sha­ǵyn aýdanyndaǵy 9 qabatty 2 tur­ǵyn úıdi jáne «Qarataý» aýdany 192 oramdaǵy 5 qabatty 6 úıdi tapsyrý josparlanǵan.Qurylysyn«BekStroı­­ Ser­vıs» JShS júrgizedi. Jal­py aýdany 8960,28 sharshy metrdi quraıtyn bul úılerde 1, 2 jáne 3 bólmeli, barlyǵy 126 páter bolady.

Budan bólek kópqabatty tur­ǵyn úılerge japsarlasyp, áleý­mettik, turmystyq, saý­da-sattyq jáne oıyn-saýyq ortalyqtary da salynady. Bul turǵyn úıler «Eki juldyz» toıhanasynyń qarsy betinde ornalasady.

Al, «Qarataý» aýdany 192 kvar­taldaǵy 5 qabatty 6 úıdiń smetalyq quny qurylysyn «ArhProekt-1» JShS qolyna alǵan. Jalpy aýdany 16000,8 sharshy metr quraıtyn úıde 240 páter bolmaq. Qurylys ju­mys­tarynyń 2 kezeńinde «Turan» shaǵyn aýdanynda taǵy da 6 kóp­qabatty turǵyn úı boı kó­teredi. Bul turǵyn úılerdiń qurylysy aıaqtalǵanda 350 páter óz ıesin tabady.

«Qarataý» aýdany, «Asar-2» shaǵynaýdany №3196 A, 3196 jer telimderinde 5 qabatty 10 turǵyn úı boı kóteredi. Nátıjesinde 300 páter paıdalanýǵa beriledi. Budan bólek, «Qarataý» aýdany, 178 kvartal, №36 jer teliminde 9 qabatty 2 turǵyn úıdiń qury­lysy bastalǵan. Páter aýdany – 15225 sharshy metrdi quraıtyn bul úı 192 páterli bolady.     

Tapsyrysqa jyl sońynda beri­letin bul páterlerdiń 1 sharshy metri 190 000 – 210 000 teńge ara­lyǵynda bolady. Tańdaǵan páter qunynyń 20 paıyzy bolsa, qalǵan qarjyny bank arqyly «7-20-25» baǵdarlamasymen 7 paıyzǵa, 25 jylǵa deıin rásim­deýge bolady.             

«Baspana» AQ nemese jeke ın­vestorlardyń qarjysyna sa­lynǵan páterlerdiń baǵasynda eshqandaı aıyrmashylyq bolmaıdy. «7-20-25» baǵdarlamasynyń erejesine sáıkes, tańdaǵan úıdiń quny 25 mln teńgeden aspaýy kerek. Odan arzandary quptalady.

Sondaı-aq Shymkent qalalyq qurylys basqarmasynyń bergen málimetine súıensek, joǵaryda atalǵan 26 turǵyn úıden bólek, bıyl jeke ınvestorlardyń ese­binen taǵy 49 turǵyn úıdiń qu­rylysy júrgizilip jatyr eken. Jalpy aýdany 190 myń sharshy metrden asatyn úılerde 1919 páter bar.

Atalǵan turǵyn úıler jeke salý­shylar tarapynan salynyp jatyr. Bul úıler de «Baspana» ıpotekalyq kompanııasynyń «7-20-25» baǵdarlamasy, «Turǵyn-­úıqurylysjınaqbanki» AQ taǵy basqa da mehanızmder arqy­ly satylymǵa shyǵarylady.

Qalada qurylysy júrgizilip jat­qan baspanalardyń jaǵdaıy­men tolyq tanysqan shahar bas­shysy Erlan Qýanyshuly jaýapty sala basshylaryna arhı­tektýralyq qala qurylysy keńe­sinde joǵaryda atalǵan barlyq máselelerdi kóterip, tıisti she­shim shyǵarýdy tapsyrdy.

Aıta keteıik, búgingi tań­da qala boıynsha turǵyn úı qury­lysyna jalpy memleket tarapynan 34,6 mlrd teńge (qurylys basqarmasy - 20,3 mlrd, «SHYMKENT» ÁKK» AQ - 10 mlrd, Turǵyn úı jáne turǵyn úı ınspeksııasy basqarmasy jas­tarǵa jaldamaly páterdi satyp alýy úshin 4,3 mlrd) jumyl­dyrylǵan.

 ShYMKENT