Aımaqtar • 28 Qyrkúıek, 2019

Qostanaılyq depýtat balalar úıi túleginiń baspanaly bolýyna kómek berdi

280 ret

kórsetildi

1 mın

oqý úshin

Muhtar Nurqanov balalar úıinen 2004 jyly ketken bolatyn. Qazir jol qurylysy salasynda jumys isteıdi. Aıyna 50 myń teńge jalaqy alady. Bul jalǵa alǵan úıiniń aqysyna ǵana, aıdan aıǵa tamaǵyn asyraýǵa ǵana jetedi. Ol osydan 8 jyl buryn Qostanaı qalalyq ákimdigine úı kezegine turǵan bolatyn. Biraq arendalyq úıdiń kezegi jaqyndar emes. Al jyldan jylǵa páter aqysy da qymbattap barady.

Názıra JÁRIMBET

Qostanaılyq depýtat balalar úıi túleginiń baspanaly bolýyna kómek berdi

Sýretti túsirgen Konstantın Vıshnıchenko

Balalar úıi túleginiń jaǵdaıy «Qostanaı – adaldyq alańy» jobalyq keńsesi menedjerleriniń nazaryn aýdardy. Qostanaı oblystyq sybaılas jemqorlyqqa qarsy qyzmet jetekshisi Qýanysh Bekbasov oblystyq máslıhat depýtattaryn jáne osy máselege nazar salǵan memlekettik organdardy jas jigittiń baspanaly bolýyna kómektesýge shaqyrdy.

Z.Aldamjar atyndaǵy áleýmettik-tehnıkalyq ýnversıtetiniń rektory Qadyrǵalı Jamanbalın balalar úıi túleginiń páterge kezegi kelgenge deıin kómek qolyn sozatynyn bildirdi. Ol Muhtarǵa jeke menshik joǵary oqý ornynyń jataqhanasynan bólme usyndy. Muhtar jaqyn kúnderi jataqhanaǵa kóshetin bolady.

«Mundaı qabyldaýdy biz apta saıyn júrgizetin bolamyz. Bul Prezıdenttiń sońǵy Joldaýynda aıtylǵandaı, «estıtin memlekettiń» jarqyn mysaly. Azamattardyń quqyn júzege asyrý memlekettik organdar jumysyndaǵy basymdyq bolýy tıis jáne qoǵamdyq belsendiler men qaıratkerlerdiń baqylaýynda bolady», deıdi Qýanysh Bekbasov.

Qostanaı