Eske sala keteıik, buǵan deıin Prezıdent Qasym-Jomart Toqaev memlekettik organdarǵa kásipkerlermen ashyq dıalog júrgizýdi tapsyrǵan bolatyn. Onda óńirlerdegi bıznes-qoǵamdastyqtardyń aldynda baqylaý-qadaǵalaý organdarynyń esebi biryńǵaı kúnin júrgizý tájirıbesin engizý qajettigi, bul zańnamadaǵy jańashyldyqtar túsindiriletin, memlekettik organdar jumysynyń basymdyqtary aıtylatyn ashyq dıalog alańy bolatyny aıtyldy.
«Táýelsiz sot — bul ınvestorlar men kásipkerler tarapynan eldiń bıznes ahýalyna senimniń irgeli senimi. Kásipkerler men memlekettik organdar arasyndaǵy sot daýlarynda taraptardyń teńdigin qamtamasyz etý qajet» degen Prezıdent júıeli shara «kásipkerdiń adaldyq prezýmpsııasy» bolýy tıistigine nazar aýdaryp, bıznes júrgizý reıtıngin tómendetken ákimge shara qoldanylatynyn, bıznes-ombýdsmenge jumysty jandandyrýǵa, bıznes-qoǵamdastyqta tanymal ári qajetti bolýǵa keńes berýge, sonymen qatar óńirlik bıznes-ombýdsmender engizý máselesin qarastyrý qajettigin aıtqan edi.
Is-shara aıasynda «Ashyq esik kúni» uıymdastyrylǵan bolatyn. Kásipkerlerdiń suraqtaryna baqylaýshy, qadaǵalaýshy jáne basqa da ýákiletti organdarynyń ókilderi jaýap berdi. Is-sharaǵa qatysýshylardyń basym bóligi shaǵyn jáne orta bıznes sýbektileri boldy.
Mańǵystaý oblysy Ekologııa departamenti memlekettik ekologııalyq baqylaý bóliminiń basshysy Erjan Jumashev vedomstvanyń negizgi qyzmeti, ásirese, qorshaǵan ortany qorǵaý jáne turǵyndardyń ekologııalyq qaýipsizdigin qamtamasyz etý baǵytynda jasalyp jatqan jumystar týraly aıtyp ótti.
Departament tarapynan túrli jıyndar, otyrystar, qoǵamdyq keńesterde óńirdegi tabıǵat qorǵaý aıasynda kóptegen usynys berilgen bolatyn. Sondaı-aq QR ekologııalyq saıasat, tabıǵat paıdalanýshylarǵa memlekettik ekologııalyq baqylaý jáne tabıǵat paıdalanýdy retteý aıasyndaǵy mindetter týraly da aıtyp ótti. Jalpy kásipkerler tarapynan qoıylǵan barlyq suraqtarǵa tushymdy jaýaptar qaıtaryldy.
Aıta ketý kerek, aımaqtyq departament dıalogqa jáne barlyq múddeli taraptarmen jumys jasaýǵa nıetti. Budan bólek, departament óńirde júzege asyrylatyn kez kelgen bıznes bastamany qoldaýǵa daıyn.
Mańǵystaý oblysy
