Alǵashqy goldy birinshi kezeńniń sońynda Spenser Fý salǵanymen, aıdyn ıeleri tabldaǵy esepti tez-aq ógertti. Atap aıtsaq, 22 jáne 23 mınýttarda Iıro Pakarınen men Roman Starchenko soqqan shaıbalardan keıin jerlesterimiz alǵa shyqty.
Alaıda sodan keıin qarqynyn kúrt kúsheıtken qonaqtar qatarynan úsh márte nysanany dál kózdep, aıqyn jeńiske qol jetkizdi. Esep – 2:5. Bul goldardyń avtorlary – Brendon Ip (24 mınýt), Olla Palola (45 mınýt), Trevor Mıorfı (52 mınýt) jáne Lýkas Lokhart (56 mınýt).
Osylaısha, ótken týrlarda qatarynan tórt kezdesýde jeńiske jetken «Barys» bul joly utyldy. Osy kúnge deıin 14 ret muz aıdynyna shyqqan nursultandyqtardyń qorjynynda 14 upaı bar. Turaqty birinshiliktiń jarys kestesinde olar 8-oryndy ıelenýde.
Erteń bizdiń hokkeıshiler Tómengi Novgorodtyń «Torpedosyn» qabyldaıdy.
