Tusaýkeser kezdesýinde jerlesimiz reseılik Anna Blınkovany 6:0, 6:1 esebimen oısyrata utqan edi. Ekinshi kezeńde onyń joly Eshlı Bartımen qıysty. 23 jastaǵy avstralııalyq tennısshi qazirgi kezde álemdik reıtıngte kósh bastap tur. Osy kúnge deıin WTA týrnırlerinde 16 márte top jarǵan ol bıyl «Rolan Garros» dodasynyń jeńimpazy atandy. Sonymen qatar Avstralııanyń ashyq birinshiliginde shırek fınalǵa deıin jetti.
Mine, bizdiń Iýlııa Pýtınsevaǵa osyndaı myqtymen Beıjińdegi jarystyń ekinshi aınalymynda kezdesýine týra keldi. 1 saǵat 17 mınýtke sozylǵan bul báseke 6:4, 6:2 esebimen Bartıdiń paıdasyna sheshildi.
Aıtýly týrnırdiń áıelder saıysynda Eshlı Bartıden bólek, japonııalyq Naomı Osaka,ýkraınalyq Elına Svıtolına, chehııalyq Petra Kvıtova, rýmynııalyq Sımona Halep jáne taǵy basqa myqty oıynshylar sátti óner kórsetýde.
