Atalǵan is-sharaǵa Departament basshysynyń orynbasary K.Qabylbekov, qalalyq bilim basqarmasy ókilderi, «Shymkent-adaldyq alańy» jobalyq keńsesiniń basshysy E.Tólebaev, «Sanaly urpaq» jáne «Adal urpaq» erikti mektep klýbtarynyń músheleri, jas ónerpazdar - jalpy sany 1200 adam qatysty.
Shara barysynda «Adal urpaq» assosıasııasyna qabyldaý saltanatty jıyny ótip, klýb músheligine 750 oqýshy qabyldandy.
«Dostyq» mýzeıinde «Máńgilik eldiń - adal urpaqtary» atty assosıasııa belsendileriniń kezekti otyrysy uıymdastyryldy. Foıede Oqýshylar saraıy úıirmeshileriniń «Elimmen birge jarqyn bolashaqqa» balalar shyǵarmashylyǵy sýret kórmesi qoıyldy.
«Sybaılas jemqorlyqsyz Qazaqstan» taqyrybynda «Adal urpaq» erikti mektep klýby men qalalyq assosıasııa músheleriniń atqarǵan jumysy boıynsha esebi tyńdalyp, «Adaldyq bizge amanat» sahnalandyrylǵan qoıylymy kórsetildi.
Shymkent kólik, kommýnıkasııa jáne jańa tehnologııalar kolledji «Sanaly urpaq» front-ofısiniń jumysy boıynsha P.R.Abdrazaqova baıandama jasap, stýdentterdiń «Sybaılas jemqorlyqsyz Qazaqstan» flesh-kompozısııasy tamashalandy. Sletqa qatysýshylar atynan barsha respýblıka jurtshylyǵyna jáne «Adal urpaq» erikti mektep klýby múshelerine Úndeý jarııalandy. Shara sońynda «Adal urpaq» áni oryndaldy.
Aıta keteıik, «Adal Urpaq» mektep klýby Shymkent qalasynyń barlyq mektepterinde ashylyp, búgingi tańda 75 myńnan astam múshesi bar.
